Abenduaren 10era arte eman daiteke izena Jaiotzen Lehiaketan
Elgoibarko familia eta lagun taldeentzako Jaiotza Lehiaketa antolatu du Elgoibarko Kabalgata Taldeak, eta abenduaren 10a izango da izena emateko azken eguna.
Jesusen jaiotza irudikatu behar da lehiaketara aurkeztutako jaiotzetan, bakoitzak nahi duen materiala erabilita, eta lanak, gehienez, 75x40 zentimetroko neurria eduki behar du. Gehienez sei laguneko taldea osatu daiteke, eta partaide berak ezingo du lan bat baino gehiago aurkeztu. Interesatuek elgoibarkojaiotzak@gmail.com helbidera idatzita eman beharko dute izena, abenduaren 10erako.
Lehiaketa bera abenduaren 15ean egingo dute, eta jaiotzak Aita Agirre kulturgunean aurkeztu beharko dira 10:00etatik 12:00etara. Lehiaketara aurkeztutako lan guztiekin erakusketa egingo dute Aita Agirren, abenduaren 21etik 24ra eta 26tik 30era.