Proiektuaren lehen fasean, herriko hainbat elkartetako ordezkariak elkarrizketatu dituzte, eta sei lan-ildo identifikatu dituzte honako erronka eta helburu komun hauei begira: prozesu burokratikoak erraztea, parte-hartzaileen aniztasuna handitzea, zuzendaritza-taldeen txandak erraztea, elkarteen lana aitortzea eta ikusaraztea, hainbat erronkari aurre egiteko prestakuntzak eskaintzea eta lankidetza-lana sustatzea.
Ondoren, dinamika parte-hartzaile bat antolatu zuten hogei bat lagunekin, eta aurrera begirako ekintza plana zehaztu dute:
- Izapide burokratikoetarako aholkularitza-eredu komuna sortzea
- Udalak eskatutako dokumentuak eta prozesuak arintzea
- Elkarteak eratzeko eta kudeatzeko gida sortzea
- Zuzendaritza-taldeen erreleboan laguntzea
- Prestakuntza espezifikoak antolatzea
- Elkarteen eguna antolatzea
- Elkarteentzako komunikazio-plana definitzea
- Elkarteak konektatzeko bitartekoak ematea, bai online bai aurrez aurre
- Elkarteen arteko lankidetza sustatzea
Elkartekintza proiektuan parte hartzeko interesa dutenek, partaidetza@elgoibar.eus helbidera idatzi dezakete.