Iktusaren sintomak ezagutzeko argibideak emango dituzte, eta horrelako kasuen aurrean nola jokatu behar den azalduko dute. 18:30ean izango da saioa, Kultur Etxeko hitzaldi gelan.
Garai batean tronbosia, enbolia, infartoa edota hemorragia bezala ezagutzen genituen gaitzak hitz bakar batean biltzen dira egun: iktusa. Jatorri baskularra duen burmuineko edozein gaixotasuni buruz hitz egiteko erabiltzen den berba da. Garuneko iktusa edo infartua garuneko odol-hornidura bat-batean etetea da. Urtero 120 mila kasu inguru gertatzen dira Espainiako Estatuan. Gehienak 50 eta 70 urte bitartekoen artean gertatzen dira, eta heriotzen %17, ezintasunen %37 eta sendatzeen %46 eragiten dituzte.
Iktusa edonork izan dezake, baina aukera gehiago dauka hainbat jendek, eta aukera horiek areagotzen dituzten gauzak badaude: tentsio altua dutenek, diabetikoek, erretzaile direnek, sedentario direnek, drogak hartzen dituztenek… horiek arrisku gehiago dute iktusa izateko.
Iktusari buruzko hitzaldia antolatu dute eguaztenerako
Duintasunak eta Euskadiko Pertsona Antikoagulatuen Elkarteak iktusari buruzko hitzaldia antolatu dute ekainaren 19rako, Iktus Kodea izenburupean.