Elgoibarko Udalak antolatu duen ikastaroko saioetan hainbat kasu, kausa eta ondorio aztertuko dituzte, eta harreman osasungarriak sustatzeko jarraibideak emango dituzte. Maiatzaren 2tik 30era izango da, ostegunero, 18:00etatik 20:00etara, Lilan. Emakumeei zuzendutako ikastaroa da. Euskaraz izango da, eta doan. Eider Perezek gidatuko du. Izena emateko epea ikastaroa hasi baino astebete lehenago itxiko da.
Interesatuak online eman behar dute izena: labur.eus/lila2024 webgunean. Antolatzaileek jakinarazi dute haurrak zaintzeko zerbitzua egongo dela saioek irauten duten bitartean.
'Gehiegi maitatzen duten emakumeak' ikastaroa antolatu dute maiatzerako
Eider Perez psikologo eta coach elgoibartarrak emango du Gehiegi maitatzen duten emakumeak izeneko ikastaroa, eta emakume batzuk beren bikotekideak era obsesiboan maitatzera iristen diren harreman disfuntzionalen gaia izango du oinarrian. Izen-ematea zabalik dago.