Santa eskea 2024

Tradizioa eta transmisioa uztartu ditu Atxutxiamaikak

Barren 2024ko ots. 4a, 13:50

Santa Ageda bezpera egunez irten dira Atxutxiamaikako lagunak kopla kantuan. Azkue auzoko baserrietan ibili dira kopla kantari, aspaldiko tradizioa etxeko txikienei transmititzeko asmoz. 

10:00etan batu dira San Rokeko ermitan eta Azkue auzoko baserrietan jardun dira koplatan eta eskean. Uxue Alberdi eta Eneko Beretxinaga aritu dira koplari lanetan eta Zabaletarrak trikilari. Lizagasar sagartokixan egin dute hamaiketakoa eta indarrak berreskuratu ostean, kantuan jarraitu dute.