Urtarrilaren 31n ospatzen da Bosko Eguna, besteak beste, Lanbide Heziketako ikaslen patroia den San Joan Boscoren omenez. Halere, urtarrileko azken barikuan ospatzeko ohitura duten hainbat ikastetxetan, eta halaxe egin zuten Elgoibarren ere, IES Elgoibar BHI eta Meka GLHBI zentroetan.
Institutuan Mintxeta inguruan egin zuten keosarekin hasi zituzten egunerako prestatutako ekitaldiak. Gero, euskal tortilla txapelketa egin zuten eta desfilearekin eman zioten amaiera egunari.
Festak ikastetxeetatik kanpo izan zuen jarraipena, eta ikaslez bete ziren kaleak. Betisua txarangak eta Txarangoi elektrotxarangak girotu zituzten kaleak musikaz.
