Garaipena eta errekorra Aritz Kortabarria arrasatearrarentzat Karakaterako Igoeran

 

 

1997tik Jose Mari Fernandez "Suso" elgoibartarraren esku zegoen errekorra (29:43) gainditu du Aritz Kortabarria arrasatearrak. Bidea ez ezagutzea ez da oztopo izan. Bai, ordea, Ionut Zinka, Gasteizen bizi den jatorri errumaniarreko mendi korrikalari ezagunarentzat. Pare bat aldiz galdu ostean, hirugarren postuan iritsi da, proba irabazteko faboritorik argiena zirudiena.

 

Duela bi urte proba irabazi zuen Josu Arregi azpeitiarrak hartu zuen probako burua hasieratik eta halaxe egin zuen biderik gehiena. Azken txanpan, Karakateko antena bistaratu denean, laga du atzean Kortabarriak azpeitiarra.

 

20 elgoibartar eta 18 kanpotar
Aurten inoiz baino antxintxikari gehiago etorri dira Euskal Herriko txoko guztietatik. 38 partaideetatik 18 Elgoibartik kanpokoak ziren. Kopuruan bakarrik ez, kalitatean ere igarri da, sailkapen nagusiko lehen lauretan ez baita elgoibartarrik ageri.

Emakume bakarra

Lehen elgoibartarra, Ibon Gabilondo, 5. postuan iritsi da (32:02). Bere marka pertsonaletik 2 segundura geratu da Gabilondo. Pilar Arriola, berriz, parte hartzera animatu den emakume bakarra izan da. Urte batzutan parte hartzeke egon ostean, berriz itzuli eta marka polita (40:46) egin du. Jose Mari Fernandez "Suso"ren 6. postuak ere aipamen berezia merezi du. Urteak pasa arren, Susok bere maila ematen jarraitzen du.

Partaidetza Errekorra
38 lagunek parte hartu dute aurten, inoiz izan den partaidetzarik handiena. Iaz 30 lagunek egin zuten igoera.

13. Karakaterako Igoera (Sailkapena)

Postua	Izen Abizena	Herria	Denbora
1	Aritz Kortabarria	Arrasate	29:00
2	Josu Arregi	Azpeitia	29:18
3	Ionut Zinka	Gazteiz	30:05
4	Mikel Navarro	Urretxu	31:01
5	Ibon Gabilondo	Elgoibar	32:02
6	Jose Mari Fdez. "Suso"	Egoibar	32:19
7	Iñigo Ortuoste	Elgoibar	32:32
8	Julen Garitano	Antzuola	32:36
9	Joseba Tobar	Tolosa	33:01
10	Haritz Arrieta	Elgoibar	33:27
11	Jon Revert	Elgoibar	33:32
12	Igor Urionabarrenetxea	Aulestia	34:00
13	Jose Cruz Montes	Elgoibar	34:00
14	Jose Antonio Ruiz del Rey	Elgoibar	34:23
15	Igor Rey	Mendaro	34:43
16	Joseba Belazquez	Oñati	35:12
17	Igor Agirregomezkorta	Elgoibar	35:37
18	Carlos de Cos	Plaentxi	35:44
19	Asier Orbea	Elgoibar	35:46
20	Javi Basaldua	Elgoibar	36:13
21	Ibon Serrano	Elgoibar	37:11
22	Sabin Zenarruzabeitia	Aulestia	37:33
23	Xabier Lasa	Andoain	37:40
24	Josu Orbea	Elgoibar	37:45
25	Antton Alberdi	Elgoibar	37:53
26	Ibon Villanueva	Elgoibar	38:16
27	Diego Makarro	Zarautz	38:21
28	Gorka Tornos	Plaentxi	38:31
29	Ignacio Perez	Elgoibar	38:52
30	Eduardo Uribe	Elgoibar	39:16
31	Javi Garduño	Anoeta	39:41
32	Andoitz Agirregomezkorta	Elgoibar	40:08
33	Mikel Elizburu	Plaentxi	40:40
34	Pilar Arriola	Elgoibar	40:46
35	Roberto Garcia	Elgoibar	41:49
36	Javier Oñederra	Elgoibar	41:51
37	Jose Luis Diez	Ormaiztegi	42:11
38	Bittor Kortabitarte	Deusto	47:23

 

Karakaterako igoeraren sari banaketa egin ostean, Morkaiko Mendizale Elkarteko oraingo eta lehengo kideek omenaldi txikia eskaini zioten egungo presidenteari, Aitzol Arriolari. Morkaikoren eta mendizaletasunaren alde eginiko lana eskertu zioten bertaratutakoek. Omenaldiak ezustean harrapatu zuen protagonista, isilpean prestatutakoa izan zen-eta. Esker oneko berba batzuk irakurri ondoren, ohorezko aurreskua dantzatu eta piolet bat oparitu zioten Arriolari. Pako Iriondok, 18 urtean Euskal Mendizale Federakuntzako presidentea izan den elgoibartarrak eman zion eskura pioleta eta lore sorta.

ARGAZKIAK