Inprobisazioak izugarrizko garrantzia du bikote honek musika sortzeko eta ulertzeko duen moduan;
Free Jazza, inprobisazio askea eta elektronika esperimentala, bateria eta tronpeta erabiliaz, hauek dira Bizarraren ikurrak. Elektronikaren abantailak aprobetxatzen dituzte beraien musika haratago eramateko.
Eman diezaiegun hitza: “Soinu bortitz zein eroak nahasi ditzakegu, film beltzenaren notak emeki joaz, aspaldiko orroak entzunaz edo inoiz, iraganean bizitako espazio eta garaiak irudikatuz, soinuaren materia aprobetxatzen dugu espazioak birsortzeko”.
