Zarautzeko Frantsezkua izeneko zubipean, Bilbaorako norabidean moztu zuten A-8 errepidea 5 lagunek zapatu eguerdian. Haika-Segi auziaren aurka protesta egitea zen gazteon helburua, Espainiako Auzitegi Gorenak datorren astean erabaki dezake-eta, erakundeok ‘terroristatzat’ jo edo ez.
Besoak bidoietan sartuta zituztela kateatu ziren
Ordu erdi inguru iraun zuen errepide mozketak. Izan ere, errepide mozketa egin zuten bost lagunak bidoietan zituzten besoak sartuta, lagun bat eta bidoia tartekatzen ziren ilaran. Haiek mugitzeko denbora behar izan zuten, bidoiek pisua zutelako eta kolpera mugitzera behartuz gero besoetan zauriak eragin zitzaketelako. Gazteak errepidean eserita zeuden bitartean, zubi gainean dozenaka lagun batu ziren gazteen antolatzeko eskubidea aldarrikatuz eta Ertzaintzaren kontrako oihuak eginez.
|
|
|
|
|
|
Errepidetik atera ostean, Zarauzko ertzain etxera eraman zituzten, eta "desordena publikoak" egotzita ikerketa Azpeitiko auzitegiaren esku laga dute.
∞
Informazio gehiago:
• Gaztesarea.net (Argazki galeria eta bideoarekin)