Iaz baino 1.341.561 euro gehiagoko aurrekontua onartu du Udalak

elgoibarren.net 2007ko ots. 8a, 10:17
Deskargatu Info Ahotsak :

EAJ, EA eta PSOE-EEren aldeko botoekin (14), eta PPren (2) eta EB-Berdeak-en (1) abstentzioarekin onartu ditu Udalak 2007ko aurrekontuak. Azpimarragarria da aurrekontuak ezezko botorik gabe onartu izana. Hortaz, iaz baino 1.341.561 euro gehiago ditu aurtengo aurrekontuak: 17.803.867 euro, hain zuzen ere. Aurreko urtearekin alderatuz, %25,48an igo da inbertsioetarako erabiliko den diru kopurua.




2007ko aurrekontua

1706641897668 Iaz baino 1.341.561 euro gehiagoko aurrekontua onartu du Udalak

Udal Aurrekontua 3 zatitan banatzen da: Udala, San Lazaro Egoitza eta Udal Kirol Patronatua. Ondorengo hauek dira bakoitzak 2007an izango duen diru kopurua.
•    Udala: 16.216.029,91 euro
•    San Lazaro Egoitza: 1.181.961 euro
•    Udal Kirol Patronatua: 895.793,32 euro
GUZTIRA: 17.803.867,23 euro

Aurrekontua urtez urte
2002: 9.317.833 euro
2005: 16.462.306 euro
2006: 17.803.867 euro
 

Udaletxeko SARRERAK

Eurotan  (€)

Zerga zuzenak

2.417.000

Zeharkako zergak

700.000

Tasak eta bestelako sarrerak

1.399.300

Transferentzia arruntak

6.476.520

Ondareetatik datozen sarrerak

68.400

Inbertsio errealen inorenganatzea

1.821.000

Kapital inbertsioak

710.153,88

Finantza aktiboak

20.000

Finantza pasiboak

2.603.556,03

GUZTIRA

16.216.029,9 

 

Udaletxeko GASTUAK

Eurotan (€)

Pertsonalaren ordainsariak

3.182.638,87

Ondasun arrunt eta zerbitzuak

4.888.859,03

Interesak

119.946,09

Transferentzi arruntak

2.067.762,52

Inbertsio errealak

4.864.723,45

Kapital transferentziak

651.186,38

Finantza aktiboak

20.000

Finantza pasiboak

425.774,57

GUZTIRA

16.216.029,91

 
 
Udalaren azalpenak

Marivi Agirregomezkorta alkatea

Udalaren egoera ekonomikoa onargarria dela azaldu zuen udal plenoan Jon Zubiaurre Ogasun Batzordeburuak. “Aurrekontuaren egitura ona da, sarrera arruntak (11.061.220 euro), gastu arruntak (10.254.345,51 euro) baino dezente handiagoak baitira. Diru soberakin hori, kapitalaren transferentziak, inbertsio gastuak edota zama finantzarioak arintzeko bideratu dezakegu”.
Zubiaurreren berbetan: “Anbizio handiko aurrekontua, herritarren beharrak asetzen dituena, orekatua eta inbertsioak egin ahal izateko egonkortasuna eskaintzen duena aurkeztu dugu. Gainera, guztion artean osatutakoak direla uste dugu, oposizioan dauden taldeen ekarpenak entzun eta eskatu baititugu. Oro har, aukeratuak izan ginenean aurkeztu genuen programarekin koherentea den aurrekontua aurkeztu dugu”.
 
Bestalde, 2007an karga finantzarioaren aurreikuspena aurrekontuaren %4,93a izango dela adierazi zuen Ogasun Batzordeburuak.

Jon Zubiaurre Ogasun Batzordeburua (ezkerrean)

Inbertsioei dagokienez, “iazko aurrekontuarekin konparatuz, %25,48an igo da inbertsiotarako Udalak bideratuko duen dirua”. Eta gastuak aurreikusterakoan, berriz, “aurreko urteetako irizpideak jarraitu ditugu: gastuaren euspena, Udalak kolektibo ezberdinei ematen dizkien diru-laguntzak ahal den neurrian mantendu edo hobetu eta inbertsio maila altu mantendu (%30)”.
Diru-sarrerei dagokienean, Udalak 1,8 milioi euro jasoko ditu Ubitarte Gain eta Urruzuno II eta III sektoreetan etxebizitzak egiteagatik. Honen eraginez, hirigintza aprobetxamenduengatik jasoko den partidak hazkunde handia izango du:  223.800 eurotik 1.820.000 eurokoa izatera pasako da-eta.

Aurrekontuan nabarmentzen diren gunerik esanguratsuenak aipatu zituen Zubiaurrek:
*     Hezkuntza:
Hezkuntzara bideratutako aurrekontua handitu egin da: 238.309 eurokoa izatetik 431.617 eurotara pasa da. Zati handi bat Herri Eskolako jolastokiari estalkia jarri eta larrialdietako sistema hobetzeko erabiliko da.
*     Barne Saila:
• Bolatokiko pixatokiak berritzea (72.000 euro)
• Udaletxeko eta Hirigintzako eraikuntzen berritze lanak (102.500 euro)
 *     Hirigintza:
• Bide-konponketa eta auzuneetako lanak (280.000 euro)
• Maala II gunean jarriko diren lurrazpiko zabor-ontziak (200.000 euro)
• Mupen eraikuntza inguruan egin beharreko erreformak (300.161 euro)
• Altzola auzoko espazio publikoak eraberritzea (384.406 euro)
• San Migel auzorako uraren lotura-hodia jartzeko lanak (300.192 euro)
 

PSOE-EE-ren aldeko botoa

PSOE-EEko bi zinegotziak eta Iñigo Arcauz, PPko zinegotzia (eskuman)

“Azken 3 urteetan egin dugun moduan, PSOE-EEk aurrekontuen alde bozkatu du” adierazi zuen Ovidio Campello zinegotziak. Hala eta guztiz, gastuen aurreikuspenean finago ibiltzeko eskatu zuen Campellok, “urtean zehar aldaketarik egin behar ez izateko, gastuen aurreikuspena zehaztasun gehiagorekin egin behar da”.
Bestalde, Plaza Txikian lurrazpiko aparkamenduak egin daitezkeen aztertzeko aurrekontu partida bat bideratuko dela-eta pozik agertu zen Campello, “gure alderdiak aspaldi adierazi baitzuen beharra baita honakoa”.

PPren eta EBren abstentzioa
Iñigo Arcauz PPko zinegotziak adierazi zuenez: “gauza onak eta ez hain onak dituelako abstenitu gara aurrekontuaren bozketan”. Gauza onen artean Plaza Txikiko aparkamenduen bideragarritasunerako azterketa aipatu zuen honek ere, eta inbertsioak izan zituen hizpide alde txarrak aipatzerakoan. “Kritika txiki bat egin nahi diogu gobernu batzordeari, aurten inbertsio pobreak, eskasak, egitea aurreikusten dutelako”. Bestalde, Udal Kirol Patronatuaren aurrekontuaren aurkako botoaren zergatia azaldu zuen Arcauzek, “Aurreko batean Patronatuko prezio igoeren aurkako botoa eman  genuenez, koherentziaz, ezezkoa eman diogu Udal Kirol Patronatuko aurrekontuari ere”.
EB-Berdeak alderdiko zinegotzi bakarrak, Javier Aznalek, ere abstentzioaren alde egin zuen bozketan. 
 
Aurrekontua honela finantzatzen da:
•     4.516.300 euro (%27,85-a) Udalaren berezko baliabide eta zuzeneko gestioaz.
•     7.186.673,88 euro (%44,32) Foru Aldundi eta Eusko Jaurlaritzaren laguntzak.
•     2.603.656 euro Finantza aktiboekin.
•     20.000 euro Finantza pasiboekin.
 
 
Udala Elgoibar