Elgoibar ezagutzen duen eibartarra
Kasu hauetan ohikoak diren ilusioa eta lanerako gogoaz aparte,
elgoibartarrentzako lan egiteko gogoarekin datorrela aurreratu zuen
Nuñezek. Lanerako hiru ardatz nagusi aipatu zituen popularrak.
1- Udala eta herritarren arteko erlazioa: Udala herritarrena da eta
hauengandik gertuago behar du egon, eskurago. Hau dela-eta Udalaren
webgunea tresna erabilgarriagoa izan daitekeela uste eta proposatzen
dugu. Alegia, herritarren iritzi, kezka eta iradokizunak jasotzeko
erreminta egokia izan daitekeela.
2- Politika Soziala: etxebizitza, emakumeak eta batez ere zaharrengan daude lehentasunak. Ildo honetatik Zaharren Egoitza txikia geratu da eta berria beharrezkoa da. Proiektu errealak aurkeztuko ditugu Udalean, egin daitezkeenak. Hortaz, Udal Gobernuak ez du aurrera ez ateratzeko aitzakiarik izango.
3- Bizikidetza eta askatasun gunea: Jendeak bere ideiak lasai eta beldurrik gabe adierazi ahal izateko markoa sortu nahi dugu, non guztiontzako askatasuna edukitzea izango den helburu nagusia. Jendea PPra beldurrik gabe hurbiltzeko deia ere luzatu nahi dugu.
PPren alkategaia
• Izena: Javier Nuñez
Alvarez.
• Adina: 34 urte.
• Egoera zibila: ezkongabea.
• Ikasketak: administraritza.
