Euskaraz egin dute selektibitatea Elgoibartik joandako 74 ikasleek

elgoibarren.net 2007ko eka. 11a, 13:31
Deskargatu Info Ahotsak :

Unibertsitateko hautaproba egin duten elgoibartar guztiek,%100ak, egin ditu azterketak euskaraz. Elgoibarko BH Institututik joandako 74 ikaslek egin dituzte aurten selektibitate-azterketak (ekainaren 6tik 8ra bitartean). Lehen deialdi honetako emaitzak, ekainaren 14tik aurrera jakinaraziko dituzte. Iaz Elgoibarko ikastetxeetatik joandako ikasle guztiek gainditu zuten selektibitatea.




Erdiak baino gehiagok euskaraz
• Datorren ikasturtean unibertsitate ikasketei ekiteko asmoa duten EAEko 7.804 ikaslek bukatu zuten joan zen barixakuan (2007-6-8) hiru eguneko amesgaiztoa: selektibitatea.
• Erdiak baino gehiagok (4.080) euskaraz egin zituen azterketak.
• Ikasle gipuzkoarrak, berriz, 2.780 izan dira eta gure probintzian ere gehiengoak euskaraz egin ditu azterketak, 1.796 lagunek, hain zuzen ere. (ikus iazko datuak)
• Elgoibartik joandako ikasle guztiek (74) euskaraz egin dute selektibitatea.

74 ikasle Elgoibartik

1706641688058 Euskaraz egin dute selektibitatea Elgoibartik joandako 74 ikasleek

Elgoibarko BH Institututik bakarrik joan dira aurten ikasleak selektibitate-azterketa egitera, 74 ikasle guztira.
  • Zientifikoan: 32
  • Humanistikoan: 27
  • Teknologikoan: 15

Iaz %100ak gainditu zuen

1706641688100 Euskaraz egin dute selektibitatea Elgoibartik joandako 74 ikasleek

 
Iazko ikasturtean, Elgoibartik joandako ikasleen %100ak gainditu zituen selektibitate-azterketak; 66 ikaslek, hain zuzen ere (BH Institutuko 41 ikasle + Elgoibar Ikastolako 25 ikasle).
 

BH Institutua (iaz)

  • Zientifiko: 15
  • Humanistiko:15
  • Teknologiko:11

 
Elgoibar Ikastola(iaz)

  • Zientifiko: 8
  • Humanistiko: 4
  • Teknologiko:13
 
Notarik altuenak eta beste zenbait bitxikeria
  • 9,5 izan zen iaz BH Institutuko ikasle batek atera zuen notarik altuena eta 9,1, berriz, Elgoibar Ikastolako ikasle batek atera zuen notarik altuena.
  • BH Institutuko 4 ikaslek 10 atera zuten euskara azterketan eta ikasle batek biologiako azterketan lortu zuen 10ekoa.
  • BH Instituko ikasleek euskara azterketan atera zuten batez beste nota 9 baino gehiagokoa izan zen.
    -Elgoibar Ikastolako ikasle batek Gipuzkoako notarik altuena (10) atera zuen matematikako azterketan.
∞ Gaiarekin lotuta:
• Jasone Osoro (Ortografiaz, DV) 
 
 
 
Hezkuntza Elgoibar