Sariak C.D. Elgoibarko jokalari aipagarri eta goleatzailerik onenei

elgoibarren.net 2007ko eka. 14a, 11:18

C.D. Elgoibar klubeko taldeek afari batekin eman diote amaiera aurtengo denboraldiari. Bertan, talde bakoitzeko jokalari aipagarrienak eta goleatzailerik onenak saritu zituzten. Bestalde, Pablo Turrillas debarrak hartuko du "Galtxa" azpeitiarraren lekua eta bera izango da, ziurrenik, Haundi-ko entrenatzaile berria datorren denboraldian.

Idarraga Saria Txus Navarreterentzat

Txus Navarrete (erdian) Idarraga Saria jasotzen

Iker Martinez (erdian) Haundiko goleatzaile onena

Txus Navarrete atzelari eibartarrak irabazi du aurten Haundiko jokalari erregularrena saritzen duen Idarraga Saria. Goleatzaile onenari dagokion saria, berriz, Iker Martinez elgoibartarrak jaso zuen.

Entrenatzaile aldaketa

Galtxa (ezkerrean) eta Joseba Igartua, bigarren entrenatzailea.

Joseba Zubizarreta “Galtxa” Haundiko jokalari ohia izan da aurten taldeko entrenatzailea, baina futbola lagatzea erabaki du azpeitiarrak. Lana, familia eta futbola uztartzea ezinezkoa zaiola adierazi du Galtxak. Azken orduko ezusterik ez baldin badago, Pablo Turrillas debarrak hartuko du Haundi gidatzeko ardura. Turrillas ere Haundiko jokalaria izan zen duela urte batzuk eta azken 8 urteak entrenatzaile moduan pasa ditu; Aurrera de Ondarroan lehenik, Durangon gero eta Gernikan azken 3 urteak.

Talde bakoitzeko jokalari aipagarrienak eta goleatzaile onenak

Alebinak

Amesti, jokalaririk aipagarriena

Mauleon, goleatzailerik onena

Infantil Txiki

Julen Cid, jokalari aipagarriena

Ander Ecenaro, goleatzailerik onena

Infantilak

Arriola, jokalari aipagarriena

Etxabe, goleatzailerik onena

Kadeteak

Javi, jokalaririk aipagarriena

Borja, goleatzailerik onena

Neskak

Konde, jokalari aipagarriena

Nagore Lueches, goleatzailerik onena

Jubenilak

Adrian, goleatzailerik onena

Unai, jokalaririk aipagarriena

Regionala

Anton Mendizabal, jokalari aipagarriena

Unai Gasteain, goleatzailerik onena

ARGAZKI GEHIAGO:

Migel Lariz presidentea Haundi taldearen argazkia emanez Urkotronik babesleari. Eibarko Azitain jatetxean egin zuten afaria Haundiko jokalari eta teknikoek, babesleak gonbidatuta.

Urteko Batzarra

C.D. Elgoibarren urteko batzarra ekainaren 29an(barixakua) izango da 19:00etatik aurrera

Kirola Elgoibar