'UEK' taldearekin disko berria kaleratu du Jon Gurrutxagak

UEK, hirukote rokeroa

Keu (Jesus Mari Agirretxea) musikari ondarrutarrak sortu eta zuzendutako UEK taldearen orain arteko bilakaeraren ondorioz, hiru kidek osatzen dute egun taldea: Jon Gurrutxaga (Arima Beltza) batera jolea, Mikel Arakistain (Etsaiak, Fjord) baxujolea eta Keu bera. Keuk konposatutako kantuak hiruron artean moldatzen dituzte eta lan berri honetan “igoera kualitatiboa erakusten dute, konposaketan, kantaeran eta jotzeko eran. Azken finean, rocka egiteko hiru ez da besterik behar” adierazi dute Gaztelupeko Hotsak diskoetxetik.

Abestea faltan botatzen du Gurrutxagak 

Aurreko diskoetan baino soinu "gogorragoak" eta "freskura" gehiago aurkitu daitezkeela Uhinak diskoan azaldu digu Jon Gurrutxagak. "Hiru musikariok batera grabatu genuen diska hau estudioan, ez banan-banan. Emaitza, soinu freskoagoa izan da eta entzuterakoan igarri egiten da". Garate estudioetan grabatu zutela gaineratu digu, "estudio handian grabatu genuen, gainera, kalitate eta bitarteko hoberenak dituenean".

Abeslari moduan aritzea ere faltan botatzen duela aitortu digu elgoibartarrak, "zuzenekoetan koroetan laguntzen dut, baina egia da abestea faltan botatzen dudala, arra hor dago". Hala eta guztiz, bateria jotzen ere gustura ari da. "Nire beste fazeta bat da eta baita lanbidea ere".  

 

∞  Informazio gehiago:

• UEK taldea
• Hurrengo kontzertuak
  
• UEKen abestiak entzuteko (myspace.com)