Jose Alberto Neira ermuarrak Mendaroko Ospitaleko ate aurrean saltzen ditu egunero
ONCEko kupoiak goizez, eta arratsaldetan, berriz, Ermuan. Ia zazpi urte daramatza kupoiak saltzen, baina joan zen urriaren 12ko eguna ez du erraz ahaztuko, 7.085.000 euro banatu zituen kupoitzarreko zenbaki saritua (
83.796) saltzea egokitu baitzitzaion.
Mendaroko Ospitaletik bailarako eta inguruetako jendea pasatzen denez, zaila da saria non, zein herritan, banatua izan den jakitea. Eta horrelakoetan ohi denez, gainera, 6 milioi euro balio dituen kupoiaren jabeak ez du bere burua agertu nahi izan, oraingoz.
