www.elgoibarren.net: urtebete egin dugu

 

 

 

  

♥     ESKAINITAKO BERTSOAK (Bideoa)

Elgoibarko bertsolari gazte bik, Mikel Olaizolak eta Ane Belzak, hiru bertso oparitu dizkigute elgoibarren.net-en lehen urtebetetzean. Guk, bideoan grabatu ditugu bertsoak, eta zuoi eskaini, ia gustuko dituzuen. Mila esker artista bioi, Mikeli eta Aneri, agertutako prestutasunagatik.

{google}4484099548048743269{/google}

 

2006ko urriaren 23an, hasi zuen ibilbidea elgoibarren.net orainkariak. Lehen urtea gaur (urriak 23) bete dugu, hortaz, eta horrelakoetan gertatzen den moduan, laburpenak egiteko eta ondorioak ateratzeko ordua ailegatu da. Hona hemen lehen urteak laga diguna.

 

Datu orokorrak:  •Bisitari kopurua:  117.157  •Ikusitako orrialde kopurua:  305.978  •Ikusitako orrialde kopurua/bisitako:  2,61  •Webgunean egindako denbora:  2:56  •Egindako komentario kopurua:  3.375  •Eman ditugun notizia kopurua:  490  •Harpidedun kopurua:  203  •Erregistratu kopurua:  102

Gehien ikusi diren albisteak  1. "Hummer" bat herriko kaleetan  5.845  2. Alfredo Etxeberria, EAJren alkatetzarako zerrenda-burua Udal Hauteskundeetarako  2.946  3. Alfredo Etxeberria Elgoibarko alkate berria, gehiengo absolutorik gabe  2.939  4. Udal Hauteskundeak, Elgoibarko emaitzak  2.374  5. Zuhaitzak ezagutu eta identifikatzeko ikastaroa  2.336  6. Arnaldo Otegi atxilotu du Guardia Zibilak Santa Ana kaleko bere etxean  2.317

 

Datu gehiago...

Bisita gehien jaso ditugun 10 herrialdeak: (*Munduko 82 herrialdetatik jaso ditugu bisitak)   Espainia  114.703 Ameriketako Estatu Batuak  580 Alemania  333 Erresuma Batua  217 Frantzia  203 Mexiko  106 Finlandia  92 Italia  87 Danimarka  60 Polonia  55

Webgunera sartzeko bisitariek gehien erabili dituzten gako-hitzak:   elgoibarren 20.143 bisita (%44,5) elgoibarren.net 6.113 bisita (%13,5) www.elgoibarren.net 1.448 (%3,2) Kuadrillategi 597 (%1,3) elgoibarko ikastola 566 (%1,2) barren  350 gurean bai  334 makazaga barren 323 markel bergara  317 elgoibar ikastola 301

 

Estreinako urtean egin duguna hobetzea eta proiektua asentatzea izango
da bigarren urterako helburu nagusia. Oker daukaguna konpondu eta
kalitatean gora egitea da gure nahia. Lehendik daukaguna hobetu eta
finkatu nahi dugu atal berriei ekin aurretik.

Hala ere, badauzkagu nobedade batzuk bigarren urterako. Atal eta
zerbitzu berriak prestatu nahi ditugu eta, besteak beste, hauek dira
martxan jarri nahi ditugunak:

•Blogak: modan daude, eta guk ere gure blog komunitatea osatu nahi dugu,
poliki-poliki, hala nahi duten herritarrekin. Bakoitzak nahi duenean eta
nahi duenaz idatziko du, eta besteok horiek diotena irakurtzeko aukera
izango dugu; eta esaten dutenaren gainean iritzia emateko aukera ere bai.

•Elkarrizketak: lehen urtean, batez ere, notiziak eman ditugu. Bigarren
urtean elkarrizketak sartzea da gure desioa; elkarrizketa sakonak eta
luzeak, paperean kabitzen ez direnak. Printzipioz, hilero elkarrizketa
bat eskaintzea da gure asmoa, baina bideak erakutsiko digu zein
maiztasun izango dugun atal honetan.

•Astelehenero: astelehen goizetan asteburuetan gure herrian izaten den
kirol mugimenduaren errepasoa eskaini nahi dugu. Emaitzak, erretratuak,
elkarrizketak, adierazpenak, ...

•Iritzi-gela: herritar eta irakurleon iritzi-gela izango da. Gela
honetan, besteak beste, gutunak, iritzi artikuluak, irakurleen kexak eta
txaloak, eta bestelakoak sartuko ditugu.

•Haur eta gazteak: oraindik ideia berde samar badaukagu ere, haur eta
gazteekin zerbait egin nahi dugu 2008ko udan hasita.