Urasandiko ‘Tontodromoan’ 18 aparkaleku gehiago egingo dituzte

elgoibarren.net 2007ko aza. 6a, 11:10
Deskargatu Info Ahotsak :
es en fr

Urasandi auzoan dagoen Tontodromoan aparkalekuak berriz antolatu, hau da, marrak berriz margotu, eta egun dauden 43 aparkalekuak 61 izatera pasako dira aurki.
Neurri honekin, eta antzerako beste batzuekin, Urasandi auzoan dauden aparkaleku eta trafiko arazoak arintzea da Udalaren asmoa.

 
 

1706641521402 Urasandiko ‘Tontodromoan’ 18 aparkaleku gehiago egingo dituzte

Urasandi auzoko goialdean dago ‘Tontodromoa’. Hasiera baten, auzotarrak pasieran ibiltzeko gune bezala sortu zen arren, aparkalekuak egin ziren bertan, 43 aparkaleku plaza, hain zuzen ere, auzoko aparkaleku arazoei irtenbidea emateko helburuarekin.
Orain, berriz margotuko dira aparkalekuak eta antolamendu berriari esker 18 plaza gehiago izango dituzte auzotarrek kotxea aparkatzeko.
 
 

'Tontodromoan' egun dauden 43 plazak 61 bihurtuko dira laster

Pasieran ibiltzeko ere erabiltzen dute herritarrek toki hau.
 
 
• Trafikoa arintzeko hartutako neurriak:
Urasandi auzoko aparkaleku eta trafiko arazoak arintzeko hainbat neurri hartzen ari da Elgoibarko Udala.
  • Piboteak: espaloi gainean kotxerik ez gehiago aparkatzeko eta zebrabideak babesteko asmoarekin jarri dira piboteak.
  • Zamalanetarako gunea: handitu egin da Urasandiko tabernen eta denden inguruan dagoen zamalanetarako tokia.
• ARGAZKIAK:

Pibote sail bat, PSE-EE alderdiaren egoitzatik hasi eta behinola 'Uyarra' ardandegia egon zen pareraino iristen da.

Piboteei esker, espaloiak oinezkoentzako gune izatera bueltatuko dira berriz ere.

Zebrabidea babesteko jarri dituzte piboteak gune honetan.

Zamalanetarako tokia handitu da.

Esnaola tailer mekanikoaren ondoan dagoen aparkalekuak publikoa izateari laga zionean aparkaleku asko galdu ziren auzoan.

1706641521675 Urasandiko ‘Tontodromoan’ 18 aparkaleku gehiago egingo dituzte
 

 

 

Gizartea Elgoibar