105 elgoibartarrek parte hartuko dute Behobia-Donostia jendetsuenean

elgoibarren.net 2007ko aza. 7a, 09:24
Deskargatu Info Ahotsak :
es en fr

Domekan (azaroak 11) egingo dute Behobia-Donostia herri lasterketa. Bertan parte hartu ahal izateko 105 antxintxikari elgoibartarrek eta 11 mendaroarrek eman dute izena.
Sekula baino korrikalari gehiagok parte hartuko du aurten, 14.536 lagunek, iaz baino 2.300 korrikalari gehiagok, hain zuzen.

   

• 43. Behobia-Donostia herri lasterketa (datuak)
  • Parte-hartzaileak: 14.536
  • Gipuzkoarrak: 5.930
  • Elgoibartarrak: 105 (hauetatik 12 neskak)
  • Mendaroarrak: 11 (denak gizonezkoak)
Iturria: C.D. Fortuna *Elgoibartarrak eta mendaroarrak gehiago ere izan daitezkeela azaldu digute Fortunatik, izan ere, izena ematerakoan daturen bat gaizki (posta kodea, esaterako) emanez gero, baliteke zenbatu gabe egotea.
 
• Autobusa:
Elgoibarko Udal Kirol Patronatuak autobusa jarri du Behobia-Donostia lasterketan parte hartu behar dutenentzat.
Hasiera batetan 26 jesarlekuko autobusa jarrita zeukaten, baina autobusa bete denez, 55 jarlekutako autobusa jartzea erabaki du Udal Kirol Patronatuak. Beraz, nahi dutenek, oraindik izena eman dezakete Olaizaga kiroldegian (943 74 44 15).
Prezioa:
  • 12 euro (abonatuek)
  • 15 euro
Irteera ordua: 8:30ean King-Kong-eko autobus geltokitik. 

• Mendaroarrek Agustin Berazaluze omenduko dute
Agustin Berazaluze mendaroarra Behobia-Donostiako klasikoetako bat zen, 24 bider parte hartu baitzuen maratoi erdi entzutetsuan. Aurtengo ediziorako ere aspalditik zeukan izena emanda, tamalez, baina, Piriniotan izandako zorigaiztoko istripuan laga zuen bizia joan zen uztailaren 23an.
Behobian parte hartuko duten mendaroarrek Agustin gogoan eduki nahi izan dute, eta haren omenez, kamiseta bereziak eramango dituzte soinean hark horrenbeste maite zuen proban. Guztira 18 kamiseta atera dituzte “Behobia-Donostia 24 aldiz Austin. Mendaroarrak zuri jarraituz!” lemarekin. Zenbait debarrek ere jantziko dituzte kamisetok, azken urteetan bertan bizi baitzen Agustin Berazaluze.

1706641510596 105 elgoibartarrek parte hartuko dute Behobia-Donostia jendetsuenean

1706641510639 105 elgoibartarrek parte hartuko dute Behobia-Donostia jendetsuenean
∞ Ikus hemen:   BARREN astekariko 548 alean (2005ean) Agustin Berasaluzeri egin genion elkarrizketa (pdf)
 
∞ Lotura duten albisteak:
 
 
 
 
Kirola Elgoibar