Sukaldean.com: sukaldeko lanak euskaraz egiteko katxarro berri bat

elgoibarren.net 2007ko aza. 29a, 14:40
Deskargatu Info Ahotsak :
es en fr

Sukaldean.com tresna berri bat da, sukaldeko lanak euskaraz egin ahal izateko sortua. Milatik gora errezeta (1.271 une honetan) daude bertan, “guztiak frogatuak, guztiak janda, eta guztiak gozatuak, bai horixe!” diote ekimen gastronomiko berri honen egileek, David de Jorgek eta Hasier Etxeberria elgoibartarrak. 

 

Erabilera ezberdinak ditu, baina egileok aholkatzen dutena, “Jakien zerrendara joatea da eta han, prestatu nahi duzun jaki nagusi hori topatzea: oilaskoa, arroza, legatza, orburua, itsakabra... Egin klik gainean eta ikusiko duzu zenbat aukera on”.

1706641469993 Sukaldean.com: sukaldeko lanak euskaraz egiteko katxarro berri bat

Zer sukaldatu asmatu ezinik bazabiltza, ostera, “zoaz Taldeka aurkibidera, eta han begiratu nahi duzuna, zopak, postreak, haragiak, arraina... Baina, esan bezala, lehen erabilera gertatzen da zehatzagoa”.

Sukaldeko hiztegia ere badu
Beste gauza bat ere bai: sukaldeko hiztegi oso baldarra erabiltzen dugu normalean: “nola esan behar da franbuesa ala mugurdia, sandia ala angurria, barbarina ala salmonetea... Sukaldeko hitzak ikasten lan apur bat badugu, denok ere. Nola esan sofreir, napar, gratinar...? Horretarako hiztegi txiki bat egin dugu, erabiltzaileen laguntzaz hazteko asmotan dena”.
 

1706641470037 Sukaldean.com: sukaldeko lanak euskaraz egiteko katxarro berri bat

Hobekuntzak ere asko egin daitezke Hasier Etxeberria eta David de Jorgeren iritziz. “Alde batetik, testuen transferitzean, akats txikiak sortu dira, oraingoz ezin detekta genitzakeenak. Horretan eta itxura eta erabilera aldetik ezer esatekorik baduzu, gustura jasoko ditugu iradokizunak”.
Euskarazko Errezetategi Nagusi izateko nahia ere badu sukaldean.com honek. “Alegia, handitzen eta hazten joatekoa. Geroak esan beza”.
Dena dela, “egin iezaguzu bisita eta ea zer iruditzen. Mila esker”.
 


Gizartea Elgoibar