Pinuak kimatzen ibili zen Iberdrolako helikopteroa

elgoibarren.net 2007ko abe. 14a, 08:51

Askok ikusiko, edo akaso entzungo, zenuten atzo (abenduak 13), Elgoibarko zeruan, hara eta ona, tramankulu arraro bat zintzilik zeramala hegan ibili zen helikopteroa. Bada, ez zen zaurituren bat garraiatzen ari, Karakateko maldetan pinuak kimatzen baizik.

Helburua sute arriskua gutxitzea

1706641438999 Pinuak kimatzen ibili zen Iberdrolako helikopteroa

Goi-tentsioko dorreengandik gertuegi dauden pinu eta bestelako zuhaitzetako adarrak kimatu zituzten helikopterotik. Izan ere, zirkuitulabur edo antzerakorik gertatuz gero, ondoan dauden zuhaitzek su hartzeko arrisku handia dago. Adarrok, baina, lurretik urrunegi daude bertatik kimatu ahal izateko. Hortaz, Iberdrolak helikopteroak erabiltzen ditu gisa honetako garbiketa lanak egiteko.

Lehen planoan pinuak inausteko trontza-zerra erraldoiak

Helikopterotik zintzilik, inausteko trontza-zerra erraldoi bat darabilte adarrak mozteko. Nolanahi ere, metodo ikusgarria. Iberdrolak azpikontratatutako enpresa bateko helikopteroak egun osoan jardun zuen langintza honetan Karakate mendiko maldetan.

San Roken lur hartu zuen.

Eguzkia sartzearekin batera, alde egiteko garaia.

Gizartea Elgoibar