Doinu beltzak eta break dantza 'Aritz Sound System'en eskutik Gaztelekuan

elgoibarren.net 2008ko urt. 10a, 10:36
Deskargatu Info Ahotsak :
es en fr

Parte hartu: Aritz Sound System disko jartzaileak musika eta dantza jaialdia eskainiko du Gaztelekuan. Hip-hop, funky eta reggae estiloko musikak entzuteko aukera eta break dantza erakustaldiak izango dira.
  • Noiz: domeka honetan (urtarrilak 13), 17:00etatik 20:00etara bitartean Gaztelekuan.
Futbolin txapelketa: zapatuan, urtarrilak 12, futbolin txapelketa izango da Gaztelekuan.



Musika eta dantza Aritz Sound Systemekin

Aritz Sound System. Argazkia: Ander Gillenea.

Aritz Usandizaga hernaniarra dago Aritz Sound System disko jartzailearen atzean. Musika beltzaren zaletu amorratua izaki, estilo horietako musika jarriko du domekan Gaztelekuan, alegia, egun puri-purian duden hip-hop, funky eta reggae estiloko doinuak. Jaialdiaren hasieran estilo hauen inguruko hainbat xehetasun ere azalduko dizkie Aritzek hurbilduko direnei.
Mikroak zabalik: Gaztelekutik elgoibartar gazte guztiak gonbidatu nahi dituzte jaialdian parte hartzera. “Nahi duenak, gainera, hip-hop edo bestelako erritmoan abesteko aukera izango du. Mikrofonoak libre egongo dira animatzen direnentzat” jakinarazi du Argitze Ecenarro, Gaztelekuko arduradunak.
Jaialdian parte hartzeko ez dago izenik eman beharrik. Break dantza erakustaldia emango duen dantzari bat ere ekarriko du berarekin Aritz Sound Systemek.
 

    •     Ekintza gehiago Gaztelekuan

1706641427338 Doinu beltzak eta break dantza 'Aritz Sound System'en eskutik Gaztelekuan

• Futbolin txapelketa zapatuan
Gaztelekuak futbolin txapelketa ere antolatu du.
  • Noiz: zapatua (urtarrilak 12) 17:00etatik aurrera.
 
   
 
• Beldurrezko ipuinak San Anton Egunean
San Anton Egunerako (urtarrilak 17), berriz, ”Zai beti zai” antzezlana zegoen programatuta, baina haren ordez, bi ipuin kontalarik beldurrezko ipuinak kontatuko dituzte gaiarekin bat datorren zuzeneko musikaz girotuak.
  • Noiz: Urtarrilak 17, 17:00etan Gaztelekuan.
 
 
 
Gizartea Elgoibar