2007ko ekainean hartu zuen Nekane Ortuostek Hezkuntza Delegazioko presidente kargua eta, orain, lagatzea erabaki du. Hala ere, EA alderdiko zinegotzi izaten jarraituko du. Esan digunez, EA alderdiko gainontzeko zinegotziek badituzte euren sailak eta ez du inork Hezkuntza Delegazioko presidente kargua hartuko. Oraindik erabaki ofiziala hartu ez den arren, badirudi Alfredo Etxeberria alkatea izango dela aurrerantzean Elgoibarko Hezkuntza Delegazioko presidentea.
Hezkuntzako presidente kargua laga du Nekane Ortuostek
Nekane Ortuoste, EAko zinegotziak, Elgoibarko Hezkuntza Delegazioko
presidente kargua laga du, “arrazoi pertsonalak” argudiatuz.
Hilabete
amaieran egingo den Osoko Bilkuran aztertuko dute gaia eta bertan
erabakiko da aurrerantzean nork beteko duen kargu hori. Hasiera batean,
badirudi Alfredo Etxeberria alkateak hartuko duela beregain Hezkuntza
Delegazioaren ardura.