Martxan da Debabarranenean taxientzako telefono bakarra: 943-400500

 

Etengabeko zerbitzua

    Zerbitzua etengabe, egunean 24 ordu eta urtean 365, egongo da martxan. Halere, norbere udalerriko taxi geltokiko zenbakiak ere (943-740898 zenbakia Elgoibarren) orain artean bezalaxe jarraituko du herritarren zerbitzura.

Segurtasuna bezeroarentzat eta gidariarentzat

Zerbitzuak automatikoki esleituko dira. Aurrena, dagokion udalerri taxiak erabilgarri dauden begiratuko du (bezerorik gabe edo zerbitzua bukatzear dutenak hartuko dira kontuan), eta bat bera ere ez badago erabiltzeko moduan barruti bereko udalerrietan begiratuko du; taxiak eskatutako tokira iristeko zenbat denbora behar duen jakinaraziko dio bezeroari eta zerbitzua jaso nahi duen berresteko eskatuko dio.

 
Taxiak etengabe lokalizatuta egongo dira GPS bidez eta datuak GPRS bidez igorriko dira, ahotsa erabili gabe. Horrek esan nahi du segurtasun sistema bat dagoela; bai bezeroarentzat, nahiz taxi-gidariarentzat.

 

• 

  Argibideetako telefonoa: Halaber, eta herritarrei tele-taxi sistema berriari buruzko informazio zehatza emateko, Foru Aldundiak argibideetarako telefono bat jarri du, 902-076543.