Joseba Zinkunegi da Garzonen aginduz atxilotutako ezker abertzaleko 14 buruzagietako bat

elgoibarren.net 2008ko ots. 11a, 09:28

Elgoibarren bizi den eibartarra, Joseba Zinkunegi atxilotu du bart Espainiako Poliziak Baltasar Garzon epailearen aginduz. Ez da atxiloketa bakarra izan, Batasuneko, EHAK-o eta EAE-ANVko 14 kide ere atxilotu dituzte. Batasunaren Mahai Nazionala berregiteko ahaleginean aritzea, eta, ondorioz, "erakunde terroristako" kide edo laguntzaile izatea leporatzen die epaileak.

Azken ordua: Baltasar Garzonek 14 atxilotuetatik 11 espetxeratzeko agindua eman du (2008-02-13 berria.info)

Honako hauek dira atxilotu dituzten 13 lagunak:

-Karmelo Landa.
-Sonia Jacinto.
-Jesus Mari Agirre.
-Aitor Arantzabal.
-Mikel Etxaburu.
-Eusebio Lasa.
-Peio Xabier Galvez.
-Mikel Garaiondo.
-Joseba Zinkunegi.
-Josetxo Ibazeta.
-Iñigo Balda.
-Txema Jurado.
-Karmele Aierbe.

Joseba Zinkunegi: Kazetaria eta Batasunaren komunikazio taldean lan egin izan du. 2005eko irailetik Batasunaren aurkako auzian inputatuta dute. (iturria: berria.info)

Iturriak:

Politika Elgoibar