Ander Oñederrak irabazi du 40 + 15 Tenis Elkartearen txapelketa

 

 

 

Zapatuan (otsailak 9) jokatu zen tenis txapelketako finala IMHko tenis pistan. Abel Hernandezek sarritan irabazi ditu inguruko herrietako tenis txapelketak: Azkoitikoa, Azpeitikoa, Mutrikukoa, e.a. Ander Oñederraren aurkako finalean ere bazirudien garaipena esku-eskura zuela, lehen setean (2/6) aise hartu baitzuen mendean Oñederra. Ondorengo bi setetan baina, Ander Oñederra, lagun eta oraingoan aurkariaren sasoi hobeari amore eman behar izan zion Hernandezek.

Bitxikeria moduan; Ander Oñederra da 40 + 15 Tenis Elkarteko presidentea.

 

Tenis zaletuen bilgune
Adin eta maila guztietako 34 tenislarik parte hartu dute tenis txapelketan. 40 + 15 Tenis Elkarteko arduradunak gustura agertu dira lehen esperientziarekin. “Giro oso ona egon da parte hartzaileen artean, eta askorentzat elkar ezagutu eta tenisean jokatu ahal izateko lagunak topatzeko bilgune aparta ere izan da, askotan zaila baita tenisean jokatzeko aurkariak topatzea”.

 

Lotura duten albisteak:

• ‘40-15’ Tenis Elkartea sortu da (2007-02-15 elgoiBARREN.net)