Hasi dira baranda berriak jartzen

elgoibarren.net 2008ko ots. 12a, 08:23
Deskargatu Info Ahotsak :

 
Udal langileek Urasandi auzoan hasi dituzte herri barruko ia baranda guztiak berritzeko lanak. Datozen hilabeteotan 3,5 kilometro baranda berri jarriko dituzte.
 294.000 euro bideratu dituzte Udal aurrekontuetatik baranda berriak jartzeko.



Iazko (2007) urrian aurreratu genizuen moduan, 3,5 kilometro baranda berri jarriko ditu Udalak herriko hainbat txokotan bi motako barandak jarriko dituzte:
  1. Auzo guztietan baranda berdinak jarriko dira.
  2. Herria zeharkatzen duen N-634 errepidetik ikus daitezkeen barandak “dotoreagoak” izango dira. Barandarik politenak, esaterako, Madalan, Txankakuako zubiaren eta Santa Klara artean dagoen lurpeko pasabidean edo Altzolako zubian jarriko dira.

 

Galizia Plaza inguruko barandak oso egoera txarrean zeuden.

Urte mordoan Urasandi auzoko ikur izan diren berde koloreko barandenak egin du.

Baranda berriak arinagoak dira.

Auzoetan baranda berdinak jarriko dituzte.

 


Gizartea Elgoibar