Gurera ere iritsi dira blogariak

elgoibarren.net 2008ko ots. 13a, 10:57
Deskargatu Info Ahotsak :

Gaurtik aurrera herritarrok beste aukera bat izango dugu elgoiBARREN.net atari digitalean iritzia eman eta parte hartzeko. Blogak gurera ere iritsi dira. Herritarrei ahotsa eskaintzea da blog honen helburu nagusia; herritarrei iritzia eman eta parte hartzeko aukera eskaintzea, hain zuzen ere.
Eta hasteko, hiru blogari aurkeztu nahi dizkizuegu: Ainhoa Lendinez, Asier Etxaniz eta Mikel Olaizola.
  • Ainhoak gaur ekingo dio (ikus hemen: loramen blogean idatzi duen lehen mezua); Asierrek bihar, eguena, idatziko du estreinakoz; eta, azkenik, Mikelek ostiralean (otsailak 15) agurtuko gaitu.

 
Beraz, Ainhoak, Asierrek eta Mikelek zabalduko dute gure blogen atea, baina jakin ezazue zer esana daukazuen guztioi egingo dizuegula lekua gurean. Animatu eta esaguzu zuk ere bloga nahi duzula.
 

Asier Etxaniz

Mikel Olaizola

Ainhoa Lendinez
 

  • Zer da blog bat?
  • Pertsona batek (edo talde batek) kudeatzen duen albistegi baten antzekoa da bloga. Dietario pertsonala. Interneteko orri multzoa, berrienetik zaharrenera ordenatua, erantzunak jasotzen dituena, eta egileak nahi/ahal duenean eguneratzen duena.

  • Nork izan dezake blog bat elgoiBARREN.net-en?
  • Hala nahi duen edozein herritarrek edo herriko taldek. Hori bai, baldintza batzuk bete behar dira.
  • Zer baldintza bete behar dira gurean blog bat edukitzeko?
  • Lau baldintza dira bete beharrekoak: 
  1. Euskaraz idatzi behar da.
  2. Errespetuz idaztea eskatzen dugu. 
  3. Blogari bakoitzaren atzean izen-abizenak edo talde konkretu batek egon behar du. Ez da blogari anonimorik onartuko.
   • Informatikaz jakin behar al da blogari izateko?
  • Ez. Bloga edukitzeko ez da Interneten edo informatikan aditua izan behar. Ordu erdian ikasten da bloga kudeatzen. Oso erraza da eta elgoiBARREN.net-en erakutsiko dizugu.
  • Erretratuak ere sar ditzaket?
  • Bai. Testuak ez ezik, erretratuak ere sartu ahal dira blogetan. Erretratuak sartzen ere guk erakutsiko dizugu.
  • Zer egin behar dut bloga eskatzeko?
  • Jarri elgoiBARREN.net-ekin harremanetan. Deitu telefonoz (943 74 41 12) edo, nahiago baduzu, idatzi gure e-postara (elgoibarren.net@elgoibarkoizarra.com). Blogaren izena, zure izen-abizenak eta erretratu bat behar ditugu, besterik ez (erretratua geuk aterako dizugu)
  • elgoiBARREN.net-ek aldatuko al ditu nire blogeko edukiak?
  • Ez. Baina arazo legalik edo bestelakorik sor ez dadin, eskubidea izango dugu aztertu eta, behar izanez gero, testua berridatzi, aldatu edo kentzeko.
  • Ba al dago sarean beste blog komunitaterik?
  • Bai, jakina. Ez gara lehenak, eta, seguruenez, ez gara azkenak izango. Euskaraz, adibidez, hiru komunitate behintzat ondo ezagunak dira: blogak.com, Goiena.net edo uztarria.com/blogak. Gehiago ere badaude.
  • Bloga sortu eta idazteaz aspertzen banaiz, edo ezin badut nahi bezala eguneratu?
  • Egileak, edozein momentutan itxi dezake bere bloga. Bloga berak nahi bezala egiterik ez baldin badu, itxi eta kitto! Ez dago beste betebeharrik. ElgoiBARREN.net-i abisatu jadanik blog hori ez duela eguneratuko, eta guk itxi egingo dugu.
 



 
 
 
     

Gizartea Elgoibar