“Axeri boda” ikuskizunaren estreinaldian parte hartuko du Haritzek Arriagan

elgoibarren.net 2008ko ots. 22a, 12:12

Plan plin plana: Datorren domekan (otsailak 24) Haritz Euskal Dantzari taldeak, Axeri boda deituriko Juan Antonio Urbeltzen ikuskizun berrian hartuko du parte.

Estreinaldia Bilboko Arriaga antzokian izango da arratsaldeko 20:00etan.

Loramen: Axeri-boda (Ainhoa Lendinezen bloga)

Juan Antonio Urbeltzek eta Argia dantza taldeak prestatu duten espektakuloaren estreinaldian, Añorgako dantzariak, Iruñako Duguna dantza taldea eta Eibarko Kezka Dantza taldea ere arituko dira. Testu honekin, Juan Antonio Urbeltz antropologoak eta folkloristak bere azken ikuskizuna aurkeztu du:

Juan Antonio Urbeltz.

“Nahiz eta Axeri-dantza Gipuzkoako eta Bizkaiko tradizio zaharra izan, Inauteri honetara ekarri gaituen arrazoia euskal sinesmen zahar bat, esaera zahar bat, Japonian, Akira Kurosawa-k “Los sueños” filmera eraman zuen ideia berdinekin lotu nahi izana izan da (“Konna yume wo mita” edo “Dreams”).
Euskal Herriko eta Japoniako ipuin zaharrek diote euria eta eguzkia egiten duenean azeriek euren ezkontzak ospatzen dituztela. Horregatik klimatologia berezi horri “Axeri-boda” edo “boda de zorros” deitzen zaio.
Eguraldi horretan ortzadarra ateratzen da eta, horren oinarrian, azeriek euren ezkontzak ospatzen dituzte eta, jakina, musika eta dantza festan funtsezkoak dira”.

1706641325220 “Axeri boda” ikuskizunaren estreinaldian parte hartuko du Haritzek Arriagan

Haritz Euskal Dantzari Taldeak orain dela 20 urte hasi zuen bere lotura Argia dantza taldeakin. Eta urte hauetan guztietan, Juan Antonio Urbeltzen espektakuloetan parte hartu du, hala nola, Zortziko, Alakiketan, Kondharian, Pas de Basque eta orain Axeri Bodan.

Kultura Elgoibar