‘Belokineko’ etxea botatzen dihardute Errosario kalean

Goizean goizetik dihardu eskabadorak Errosario kaleko ertz batean, Kultur Etxearen alboan, dagoen etxea behera botatzen. Momentuz, pareta zaharrak erresistentzia gutxi egiten ari dira. Inguruetan hauts eta zahar usain sarkorra nabari da eta detailerik galdu gabe eraisketa zuzenean jarraitzen ari den jubilaturik eta kuriosorik ez da falta.  

 

Belokineko etxea

Juanito Gorostizak azaldutakoaren arabera, “Belokineko” etxe moduan ezagutzen zen etxe hau kaletarren artean, Beloki familiak bertan eduki zuen elektrizitate denda dela-eta. Gerora beste komertzio batzuk ere egon ziren etxeko behe solairuan kokatuta; Fadek ileapaindegia azkena.

Etxea bota eta obra-hondakinak garbitu ondoren hasiko dituzte etxe berriak egiteko lanak.

• Ikus hemen eraikiko dituzten etxe berriak

Argazkiak