Altzolan okupa moduan bizi diren lagunen bizi baldintzen lekuko izan gara

Aurretxe etxean sartu eta bertan bizi diren etorkinak zer egoeratan bizi diren ikusi ahal izan dugu: era guztietako zikinkeria edonon, demaseko antza, jauzteko zorian dauden egitura arriskutsuak... eta abar.

Udalak, udaltzainen bitartez, etxea uztera behartu ditu jatorri errumaniarreko okupak. Momentuz, ezin izan dugu jakin behin betirako behartu dituzten etxea uztera ala etxea zikinkeriaz garbitzeko izan den.
Ondoren, Deba Beheko mankomunitateko beharginei egokitu zaie lanik zikinena, alegia, azken hilabeteetan etxean pilatu diren zikinkeria guztiak batzea. Harrituta zeuden han aurkitu duten higiene falta eta zikinkeria kantitatearekin. Basura poltsa handiak bata bestearen atzetik ateratzen zituzten bitartean, basura kamioi bat erraz beteko zutela zioten. Guztien ahotan zebilen galdera, berriz, nola bizi daitekeen egoera horretan?

Lanean ari ziren bitartean lau emakume errumaniar auto batean ailegatu eta etxe barrura sartu dira bertan zituzten gauza batzuk berreskuratzera. Bien bitartean, etxean bizi ziren gainerako errumaniarrak: gizon, emakume eta haurrez osatutako dozena bat inguruko taldea, Altzolako zubitik ari zen guztia jarraitzen.

 

    ∞ Lotura duten albisteak:

Noticias de Gipuzkoa egunkarian portadara pasa dute Altzolako okupen gaia: 'Okupas' en un estercolero

 

ARGAZKIAK