Agirreazaldegiren Laponiako ibilerak Morkaikoren mendi emanaldietan

elgoibarren.net 2008ko api. 9a, 11:17
Deskargatu Info Ahotsak :
Español English Français Català Galego

Gaur: Finlandian egin zuen Rajalta Rajalle Hiihto iraupen eskiko proba luzearen gaineko emanaldia, Morkaikok antolatutako zikloko bigarrena, eskainiko du Alberto Agirreazaldegik.
  • Noiz: gaur (apirilak 9) Musika Eskolako auditorioan, 21:30ean.



Errusiako mugatik Suediako mugaraino 440 km. egin zituen eski gainean elgoibartarrak joan zen martxoan. Gaur iluntzean Musika Eskolara hurbiltzen diren herritarrek probaren inguruko irudiekin eta protagonistaren azalpenekin gozatzeko aukera izango dute.

    ∞ Informazio gehiago:
Cerro Torre: Ferrari bidea
Datorren asteko eguaztenean, hilaren 16an, Josu Merino elgoibartarraren txanda izango da.
1997an, Simon Eliasekin batera Cerro Torre ospetsua igo zuen mendizale elgoibartarrak, Ferrari bidetik. Garai hartan beste 2 aldiz bakarrik igaro zen gizakia bide hartatik. Zailtasunak pilatu egin zitzaizkien gainera: 25egun elurrezko koba baten igaro behar izan zituzten, igotzen ari zirenean harrapatu zituen ekaitza pasa arte. Ferrari bidetik gora Cerro Torre (Patagonia) igotzen bizi izan zituztenak
Emanaldi guztiak:
    • Elgoibar-Deba mendi irteera apirilaren 19an

Behiak larrean Arno inguruetan.

Txangoak egiteko modalitate berri bat estreinatuko du mendizale elkarteak hurrengo irteeran. “Elgoibartik abiatuz” izena jarri diote eta Elgoibartik irten eta garraio publikoa erabiliz itzultzeko aukera ematen duten irteerak izango dira. Helburuak, besteak beste, gure herri inguruko txoko eta bideak ezagutzea izango da. Aurrenekoa, Elgoibar eta Deba artean egingo dute. Bidean Arno mendi kate ezaguna zeharkatuko dute.
      • Irteera: Apirilak 19 (zapatua) goizeko 8:00etan Plaza Handitik.

Gizartea Elgoibar