Urte eta erdiko epean bi bider egin dute lapurretan Azkue Argazkiak dendan (San Bartolome, 29). Ulertzekoa den moduan, oso haserre, sututa, aurkitu dugu dendako ugazaba. Ondorioz, momentuz ezin izan dugu lapurretaren inguruko xehetasun gehiagorik jaso.
Deigarria da, hala ere, inork ezer entzun ez izana, batez ere, eskaparatea txikitzeko erabili zuten teknika zaratatsua (harri bat leihoaren aurka jaurtitzea) kontutan hartuz gero. Sinesgaitza bada ere, inork ez zituen lapurrek ateratako zaratak entzun, edo abisurik ematera behintzat ez zen inor ausartu.
Orain dela denbora gutxi, gainera, antzerako zerbait gertatu zen kale berean, Garate jantzi-dendan lapurreta egin zutenean.
∞ Lotura duten albisteak:
- 200 prakatik gora lapurtu dituzte Garate Jantzidendatik (2007-10-26 elgoibarren.net)
- 7 lapurreta egin zituen ustezko lapurra atxilotu zuen Ertzaintzak (2007-09-12 elgoibarren.net)
- Bi lapurreta Elgoibarren (2007-02-15elgoibarren.net)
- Atxilotu dute txinatarren dendan lapurtu zuen ustezko lapurra (2007-06-06elgoibarren.net)
- Lapurreta egin dute San Bartolome parrokian (2007-06-05 elgoibarren.net)
- Butano bonbona bat erabiliz lapurtu dute Azku Argazkiak dendan (2007-01-03 elgoibarren.net)