Anbizio handiko proiektua darabil Udalak eskuartean. Alfredo Etxeberria alkateak aurreratu duenez, “Zaharren egoitza berri bat egitea baino asmo handiagoko proposamena aurkeztu dugu diputazioan. Gure nahia, zahar-etxea, eguneko zentrua, psikogeriatrikoa eta babespeko etxea moduko zerbitzuak konplexu handi batean batzea da”. Alegia, gure herria gizarte zerbitzuen alorrean “erreferente” bihurtuko lukeen proiektuari heldu nahi dio Udalak.
Proposamena onartzen ez den bitartean, kokaleku zehatzik ez duela jakinaraziko adierazi du alkateak. Foru Aldundiak hartuko dituen erabakien zain daude orain.