Euskal Herriko Ahotsak egitasmoa aurkeztu da

elgoibarren.net 2008ko api. 16a, 15:29
Deskargatu Info Ahotsak :

Proiektu honen helburu nagusia da, Euskal Herriko ahozko ondarea eta herri hizkerak bildu eta hedatzea; hau da, gure herrietako adineko jendea elkarrizketatu, eta euren euskara eta bizipenak jasotzea eta herritarren artean zabaltzea.
Elgoibarko ondarea ere jaso dute, zehazki, 39 hizlari elgoibartarren esanak jaso dituzte, idatziz, audioan edo baita bideoan ere.

 
    Egitasmo honen helburua da Euskal Herriko grabazio dialektologiko eta etnografikoak biltzea eta denon esku jartzea. Gaur aurkeztu da Badihardugu euskara elkartearen proiektua Donostian, baina Ahotsak 2004. urtean jaio zen. Denbora tarte honetan lan asko egin da.
 
Elgoibarren ere hainbat lan egin izan dira herriko hizkera biltzeko, bai udalaren eskutik (Elgoibartarren esanetan), bai Elgoibarko Izarra elkartearen eskutik. Liburu bat ere bada, herriko hizkera biltzen duena, Jesus Mari Makazagak 2006. urtean kaleratua: Elgoibarko euskara. 

  ∞ Informazio gehiago:



Euskara Elgoibar