Trinitate jaietako egitaraua

elgoibarren.net 2008ko mai. 16a, 11:40

Ufaka Zanpaka musika eta dantza ikuskizunarekin hasiko dira gaur iluntzean Trinitate Jaietarako prestatuta dauden ekintzak. Asteburu osoan izango da non aukeraturik.

Ekintza aipagarrienak eta berrikuntzak

Ufaka Zanpaka ikuskizuneko une bat.

Azken urteetan ohikoak bihurtu diren ekintzez gain (Danborradak, feriak, e.a), berrikuntza bat baino gehiago izango da aurten. Horietako bat, festei hasiera emango dien Ufaka Zanpaka izeneko musika eta dantza ikuskizuna izango da. Burrunka taldearen eskutik iritsiko zaigu Beñat Amorenak sortutako ikuskizuna (ikus hemen bideoa).

Sarrerak (8,5 euro sarrerako) Pitxintxu liburu-dendan eskuratu daitezke.

Bestalde, Mintxeta harrijasotzailearen omenez egingo den harrijasotze erakusketa ere aipagarria da, punta-puntako hamar harrijasotzailek parte hartuko baitute. Tartean Lagun-Arteako kideak arituko dira trontzan eta ingudea altxatzen.

Azkenik, erraldoi eta buruhandiek domekan (maiatzak 18) egingo duten kalejiran ustekabe handi bat ere iragarri dute Udal antolatzaileek.

♦ Trinitateak 2008 EGITARAUA (Elgoibarren eta Mendaron)