Eibarko Ertzainetxeko agenteek hiru gizonezko atxilotu zituzten martitzenean (maiatzak 20) lapurreta delitua egotzita.
Ertzaintzako iturrien esanetan, goizaldeko ordu biak aldera, herritar batek Ertzaintzari deitu zion hiru pertsona Mendaroko ostalaritza establezimendu batera -Azpilgoeta kalean dagoen Emeterio taberna- sartzeko atea manipulatzen ari zirela jakinarazteko. Toki horretara iritsitakoan, ertzainek lokala ikuskatu zuten, jabearekin batera, eta kalterik ez zegoela-eta ez zela ezer falta baieztatu zuten. Dena den, tabernako leiho-ateetako bat hautsita zegoen.
Ertzainen amua irentsi zuten susmagarriek
Lapurreta saiakera honen ustezko egileek bertara joateko erabili zuten ibilgailua, Toyota Carina bat, inguruetan aurkitu zuten eta zepoa jarri zioten inora mugitu ez zedin. Goizeko 5:30ak jota zirenean, hiru gazte sartu ziren bertan, eta ertzainek hori ikusita, identifikatu egin zituzten. V.C. (21 urte), B.G.D. (35 urte), eta N.I.I. (27 urte) tabernan osten saiatu ziren pertsonak zirela baieztatu ondoren, atxilotu egin zituzten. Atxilotuak epailearen esku laga zituzten.
∞ Lotura duten albisteak:
- Txuri-Beltz tabernan ostu zuten lapurrak segituan atxilotu zituzten (2008-05-09 elgoiBARREN.net)
- Lapurretan egin dute Azkue Argazkiak dendan, bigarren aldiz denbora gutxian (elgoiBARREN.net 2008-04-14)
- 200 prakatik gora lapurtu dituzte Garate Jantzidendatik (2007-10-26 elgoibarren.net)
- 7 lapurreta egin zituen ustezko lapurra atxilotu zuen Ertzaintzak (2007-09-12 elgoibarren.net)
- Bi lapurreta Elgoibarren (2007-02-15elgoibarren.net)
- Atxilotu dute txinatarren dendan lapurtu zuen ustezko lapurra (2007-06-06elgoibarren.net)
- Lapurreta egin dute San Bartolome parrokian (2007-06-05 elgoibarren.net)
- Butano bonbona bat erabiliz lapurtu dute Azku Argazkiak dendan (2007-01-03 elgoibarren.net)