Madalako parkeko lurrean jartzeko materiala aukeran: Zapaldu, probatu eta eman zure iritzia!

elgoibarren.net 2008ko uzt. 16a, 15:50

Gaur inauguratuko da, 2009tik aurrera, herriaren itxura aldatuko duten hiru hirigintza proiektu nagusien nondik norakoak erakusten dituen erakusketa. Irudiak, fotomuntaketak, 10 minutuko bideo bat eta obretan erabiliko diren materialak egongo dira ikusgai Kultur Etxean, uztailaren 31ra arte. Herritarrek, gainera, Madalako parke berrian jarri beharreko zoruaren gaineko iritzia emateko aukera izango dute. Lau material daude aukeran.

Aukeran dauden 4 materialak.

Herritarrok, herriguneko hiru gune garrantzitsutan: Olasoko errotonda; San Inazio kalea, Santa Ana kalea eta Ubitarte ingurua eta San Frantzisko kalea, Madala eta Pedro Muguruza etorbidea ingurua, egingo dituzten lanak ezagutzeko aukera izango dugu, eta baita Madalako parkean jarriko duten zoruaren inguruko iritzia emateko ere. Lau aukera daude eta gehien gustatzen zaiguna aukeratu eta gure aukeraketa eta iritzia ontzi batean sartzeko modua izango da.

• Erakusketa:

Noiz: Uztailaren 16tik 31ra bitartean
Non: Kultur Etxean
Bisita ordutegia: Astelenenetik ostiralera: 19:00 - 21:00 (Zapatua, domeka eta jai egunetan: 12:00 - 14:00/19:00-21:00)
Zer: Hirigintza proiektuen inguruko xehetasun teknikoak, lanak amaitzeko aurreikusitako epeak, aurrekontua eta finantziazio eraren inguruko datuak, erabiliko diren materialak, planoak, e.a. izango dira erakusketan. Aurrekoez gain, hamar minutuko bideo bat emango dute, bere onera ekarri nahi dituzten inguruen egungo egoera eta obrak amaitu ondoren izango duten itxura erakutsiko duena. Herritarrek etxean ere jasoko dute erakusketaren informazioa.

∞ Informazio gehiago:

Herriaren itxura aldatuko duten 3 obrari buruzko erakusketa antolatu du Udalak (2008-07-10 elgoiBARREN.net)

Gizartea Elgoibar