Turkiako eta Irlandako dantza erakustaldiak izango dira Elgoibarko Nazioarteko Folklore Jaialdiko gonbidatuak. Turkiako Gehem eta Irlandako Abssolutely Legless konpainiek egingo dute erakustaldia, Haritz Euskal Dantzari Taldearekin batera, 22:30etatik aurrera.
• Turkiako jantzi eta dantzak
Gehem ikasle taldea 1965. urtean sortu zuten, eta 16 urtetik 25 urte bitarteko sei musikarik eta 32 dantzarik osatzen dute. Euren errepertorioan Turkiako hainbat eskualdetako jantzi eta dantzak erakutsi ohi dituzte. Dantzarik erakargarrienetako bat biretan oinarritutako dervishes izenekoa da. Hainbat jaialditan parte hartu dute dagoeneko: Kanadan, Txinan, Taiwanen eta Europan.
• Ospea mundu guztian zehar
Absolutely Legless Irlandako dantza taldeak ospea lortu du nazioartean, bereziki emanaldi berritzaile eta erakagarriei esker. Oin-joko gogor eta leunaren tradizioetan inspiratuta, dantza originalak eta bizkorrak egiten dituzte. Txirulak eta gitarra erabiltzen dute, nahiz eta ukitu tradizionaleko moldaketa berriak ere sartzen dituzten.
• Nafarroa Garaiko eta Behereko dantzak
∞ Lotura duten albisteak:
- Txina eta Peruko taldeak, Nazioarteko Folklore Jaialdian (2007-07-20 elgoiBARREN.net)