Sekula baino erabiltzaile gehiago eduki ditu Mintxetako Igerilekuak

elgoibarren.net 2008ko ira. 15a, 13:45
Deskargatu Info Ahotsak :

 
Inoizko onena izan da atzo (irailak 14) amaitu zen Aire Libreko Igerilekuen denboraldia, erabiltzaile kopuruari dagokionez. 34.342 erabiltzaile pasa dira Mintxetako Udal igerilekuetatik uda honetan (ekainaren 14tik irailaren 14ra).



1706640898624 Sekula baino erabiltzaile gehiago eduki ditu Mintxetako Igerilekuak

 Kopuru horretatik, erabiltzaileen gehiengoa Udal Kirol Patronatuko abonatuak izan dira. Hala ere, 4.006 erabiltzailek ordaindu dute eguneko sarrera, eta 1.713 ume etorri joan dira aisialdiko talde desberdinekin (Elgoibar, Soraluze, Eibar, Mendaro eta Debatik etorritakoak) Kirol Patronatuak zabaldutako datuen arabera.
  •   Erabiltzaile gehien uztailaren 10ean izan ziren, 1.810, hain zuzen ere.

 Datu onak uda heze baterako
 Kirol Patronatuko arduradunak pozik daude aurtengo denboraldiko datuekin, “batez ere uda hezea izan dela, 18ºC-ko bataz besteko tenperaturarekin, kontutan hartzen badugu, Euskalmetek adierazi duen moduan”.
 Datuez aparte, ez da aparteko gorabeherarik izan, “gaztetxoenek aldageletan eginiko ganberradak izan ezik, iaz ere sufritzea tokatu zitzaiguna”.
 Erabiltzaileen kopuruak urtez-urte
  • 2008: 34.342
  • 2007: 15.000
  • 2006: 29.000
  • 2005: 32.000

 ∞ Lotura duten albisteak:
 
 
 
 
Gizartea Elgoibar