Gazteen egunarekin hasiko dira gaur San Migel jaiak Aiastia auzoan

elgoibarren.net 2008ko ira. 26a, 09:42
Deskargatu Info Ahotsak :
es en fr

 
Aiastiarrek San Migel jaiak ospatuko dituzte gaurtik (irailak 26) hasita datorren astelehenera arte (San Migel Eguna). Gazteen egunak irekiko ditu jaiak arratsaldeko 18:30ean kanpai jotzearekin. Gauean gazte afaria izango da, ondoren disko festa, eta goizaldean ohitura bihurtu den striptease saioa. (egitaraua dauka)

 

  Ardi txakur txapelketa zapatuan

Egin klik irudian EGITARAUA handiago ikusteko.

 Zapatuan ardi txakur txapelketa izango da ekitaldi nagusia. Euskal Herriko arraza libreko txapelketa jokatuko da arratsaldeko 17:00etan. Bertan zazpi artzainek hartuko dute parte euren txakurrekin. Horien artean Jose Antonio Arrillaga aiastiarra eta Lagun txakurra izango dira. Gauean Haritz Euskal Dantzari taldearen erakustaldia izango da, ondoren erromeria, eta goizaldean bolo txapelketa.
  Idi demak, domekan
 Domekan, irailak 28, San Migeleko II. korrika igoera izango da goizean. Arratsaldean, berriz, idi demak izango dira protagonista. Jaiak astelehenean amaituko dira, San Migel egunean. Meza nagusia, pilota partiduak (Kepa eta Loiola bikotea Atxotegi eta Lizarralderen aurka) eta auzotarren afaria izango dira.

  ∞ Lotura duten albisteak:
 
 
 
Gizartea Elgoibar