Kolpea bortitza izan zen oso, autoaren aurreko kristal txikituak eta hondoratutako kapotak erakusten duten moduan; bost metrotaraino jaurti zuen neska gaztearen gorputza. Osakidetzako anbulantzia bat gerturatu zen zauritua artatzera eta hasiera baten Mendaroko Ospitalera eraman bazuten ere, zaurien larritasuna ikusirik, Donostia Ospitalera lekualdatu zuten. Azken berrien arabera larri dago neska gaztea, baina larritasunaren barruan, bere egoera egonkortzea lortu dute medikuek.