Abisua emanda zeuden udaltzainak ailegatu artean bertan eutsi dio lapurrari, eta, zorionez, lapurtutako hainbat jantzi berreskuratu ahal izan ditu. Hain justu, orduan konturatu da kalean gorago dagoen beste denda bateko (Garate jantzi denda), jantziak ere bazeuzkala lapurrak, etiketa eta guzti. Garatekoak lapurreta egin dietenik konturatu gabe zeuden. Hortaz, litekeena da lapurrok beste dendaren batean ere lapurretak egin izana, jantzi gehiago ere bazituzten-eta. Denuntzia jartzekotan geratu dira kaltetuak.
Ama alabak ziruditen lapurrek
Lekukoek esan dutenez, adin ertaineko emakume bat eta adinez, eta itxuraz, bere ama ematen zuen adin nagusiagoko bi emakume ziren lapurrak. Lapurreta egin baino ordu batzuk lehenago San Bartolome kaleko zenbait dendatan ibili direla ere esan digute dendariek. Bistakoa denez lapurreta prestatzen. Gero, dendak ixteko ordu erdi lehenago edo, dendariak beste bezero batzuekin arduratuta zeuden unea aprobetxatuz, zenbait arropa ostu dituzte. Zorionez, dendarietako batek mugimendu susmagarriak usaindu eta ez die berearekin alde egiten laga.
Aurreko astean Maren tabernan eta Maidaganen
Lapurretek ez dute etenik. Aurreko astean Maren taberna eta Maidagan jantzidenda izan ziren lapurren bisita ezatsegina jaso zutenak. Bernardo Ezenarro kalean dagoen tabernan leihotik sartu ziren lapurrak goizaldeko iluntasunaren babesean, eta ahal zuten diru guztia eraman zuten; txanpon-makinatik eta kutxa erregistratzailetik. Maidagan jantzidendan, berriz, ohiko lapur bat saiatu zen lapurreta egiten.
∞ Lotura duten albisteak:
- Lokal batean lapurreta egin eta sua eman zioten (2008-10-07 elgoiBARREN.net)
- Lapurretak ugaritu direla-eta etxeko atea giltzaz ondo ixteko gomendatu du Ertzaintzak (2008-09-22 elgoiBARREN.net)
- Lapurreta egin dute Fadek ile-apaindegian (2008-06-04 elgoiBARREN.net)
- Txuri-Beltz tabernan ostu zuten lapurrak segituan atxilotu zituzten (2008-05-09 elgoiBARREN.net)
- Lapurretan egin dute Azkue Argazkiak dendan, bigarren aldiz denbora gutxian (elgoiBARREN.net 2008-04-14)
- 200 prakatik gora lapurtu dituzte Garate Jantzidendatik (2007-10-26 elgoibarren.net)
- 7 lapurreta egin zituen ustezko lapurra atxilotu zuen Ertzaintzak (2007-09-12 elgoibarren.net)
- Bi lapurreta Elgoibarren (2007-02-15elgoibarren.net)
- Atxilotu dute txinatarren dendan lapurtu zuen ustezko lapurra (2007-06-06elgoibarren.net)
- Lapurreta egin dute San Bartolome parrokian (2007-06-05 elgoibarren.net)
- Butano bonbona bat erabiliz lapurtu dute Azku Argazkiak dendan (2007-01-03 elgoibarren.net)