Belgikar bat, bi katalan eta ehun euskaldun '30+10 Mintegian'

elgoibarren.net 2008ko urr. 23a, 11:41
Deskargatu Info Ahotsak :

 
IMHko 30+10 mintegiak enpresa eta gizarte munduko 100 lagun bildu zituen IMHn, Makina-Erreminta Institutuan. Jardunaldiak Gotzon Garaten gogoratu zuen eta hitzaldietako bat Estatu Batuetako Boisen zegoen Igor Calzadarekin zuzenean egin zen Internet bidez. Bertan, hizkuntza-kudeaketaren gaineko ponentziak aurkeztu dituzte Belgika, Katalunia eta Euskal Herritik etorritako 19 adituk eta arituk.



  Hainbat puntu lantzen ari dira 30+10 Mintegian:
 Berrikuntzaren eta hizkuntzen urtea izanik, bien arteko loturei buruz arituko dira Pilar Kaltzada, Innobasqueko Komunikazio-zuzendaria, enpresaren ikuspegitik, eta Igor Calzada Renoko Unibertsitatean ikerketa egiten ari den MIKeko proiektu-zuzendaria, hiritartasunaren ikuspegitik. Azken hori, berrikuntza mintegiaren funtzionamendura ekarriz, bideo-konferentziaz arituko da Renotik.

Igor Calzadak Boisetik (AEB) berba egin zuen Internet bidezko bideokonferentzia bati esker.

Alfredo Etxeberria, Jaurlaritzako Hizkuntza Politikarako Sailburuordetza, Patxi Baztarrika eta IMHko Zuzendari-Gerentea. Joxean Egaña.

  • Kanpoko esperientzietatik ikasi:
 Batetik, Bruselako gune elebidunean kokatuta dauden enpresetan eman diren aldaketen berri jasotzen duen ikerketa aurkeztuko du Université de Namurreko Luk Van Menselek, eta, bestetik, katalanez aritu nahi ez duten langileei begira hainbat enpresatan landu diren Taller de Foment edo Sustapen-tailerren berri ere jasoko dute Elena Blaya eta Jordi Boschen hitzaldian.

  • Bertako esperientzietatik ikasi:
 Euskaltel, Tekniker, Ideko, Urkotronik eta GKN Legazpiren esperientziak aurkeztuko dira. Ahize-AEK hizkuntza-aholkularitzak erantzukizunaren koste eta onurei buruzko aurkezpena egingo du, eta horretaz gain, talde txiki eta norbanakoen ohituretan eragiteko tailer eta proiektuen berri ere emango dute Emun eta Elhuyar aholkularitzek (hurrenez hurren, Elias Zumalde eta Ana Labaka). EHUko irakasle Daniel Hermosillak Ahize-AEKrekin lantzen ari den ikerketa-proiektuaren oinarriak azalduko ditu, eta, praktika gehiagorekin osatzeko, Kutxako 600 langileri egindako elkarrizketen analisiaren berri emango digu Imanol Minerrek.

 Enpresaren marka-irudiari buruzko alde teorikoa eta praktikoa ere landuko dira. Alde batetik, enpresen aholkulari eta EHUko irakasle Sergio Mongek hizkuntza eta markaren arteko loturak aztertuko ditu, eta, kasu praktikoan, Euskaltelek aurkeztuko du nola kudeatzen duen euskara identitate-marka gisa.

 Urtero bezala, softwareak pisua izango du mintegian. Informatika arloan ematen ari den bilakaerak aniztasuna kudeatzeko gero eta aukera handiagoak ematen baititu. Alde batetik, nazioarte mailan eragin handia duen enpresa baten hizkuntza-kudeaketa eta produktuak ezagutzeko aukera izango da: Microsoft . Bestetik bertako bi erreferentzia: ESLEk, Euskadiko Software Libreko Enpresen elkarteak, software mota horrek eskaintzen dituen aukeren berri emango du, eta Elekako Iñaki Irazabalbeitiak dokumentu eleanitzak erlazionatzeko teknologia aurkeztuko du.
 
  • Arlo berria:
 Aurtengo berezitasunetako bat izango da Andres Urrutia Notario eta Euskaltzainburuak emango duen hitzaldia. Izan ere, orain artean gutxi landu izan den arlo bati ekarpena egingo dio: lege-dokumentuak kudeatzeko zerbitzua aurkeztuko du.

 Mintegi honen antolatzaileak IMH Elgoibarko Makina Erremintaren Institutua, Eusko Jaurlaritzako Hizkuntza Politikarako Sailburuordetza, Gipuzkoako Foru Aldundia, Elgoibarko Udala eta Ahize-AEK hizkuntza-aholkularitza dira, eta nahi duen orori parte-hartzeko gonbitea egiten diote.
 
∞Lotura duten albisteak:
 
 
 
 
Euskara Elgoibar