Eraikin berriak 400 m² eta bi solairu izango ditu eta eraikuntza lanek luze jo dezaketela, “hasten direnetik 12-14 hilabete” aurreratu du Gorka Sarasolak, Mendaroko Ospitaleko zuzendari kudeatzaileak. "1992an ospitalea ireki zenean geneuzkan instalakuntza berdinak ditugu, baina zerbitzua asko aldatu da eta behar berrietara moldatzea beharrezkoa zen. Larrialdi zerbitzuetan 30.000 kasu hartzen dituzte urteko. Berrikuntza lanek bi milioi euroko aurrekontua izango dute.
Bestalde, eraikuntza lanek irauten duten bitartean areagotu egingo dira Mendaroko Ospitaleak egun dituen aparkaleku arazoak. Arazo horri aurre hartu edo ondorioak gutxitu nahian, autoa beharrezkoa denean bakarrik erabiltzeko, eta garraio publikoa gehiago erabiltzeko eskaera egiten dute ospitaleko arduradunek.
∞Lotura duten albisteak:
- Ospitaleratzeak gora Mendaroko Ospitalean; iaz baino 1.200 gehiago (2007-04-16)
- Etxeko ospitalizazioko zerbitzua maiatzetik aurrera martxan (2008-03-04 elgoiBARREN.net)
- Operatu ahal izateko 48,9 egun itxaron behar dira, batez beste, Mendaroko Ospitalean (2007-11-21 elgoiBARREN.net)