Lurrazpiko edukiontzi berriek aho handiagoak izango dituzte

elgoibarren.net 2008ko aza. 4a, 11:56

Udalak herrian dauden lurrazpiko edukiontzi guztien buzoiak aldatu nahi dituela aurreratu du. Buzoi berriek aho handiagoa izango dute, “herriko dendariek eta ostalariek kartoia eta bestelako hondakin handiak errazago laga ahal izan ditzaten”.
Ildo beretik, hondakin organikoen konpostatzea bultzatzeko programa pilotua ezartzeko eskatu du Udalak.

Edukinontzi berriek ate bat izango dute atzealdean, eta atea zabaltzeko nahitaezkoa izango da giltza edukitzea.

Edukinontzi berriek ate bat izango dute atzealdean, eta atea zabaltzeko nahitaezkoa izango da giltza edukitzea. Bestalde, atzealdeko atea deskuiduan zabalik ez geratzea eragozteko itxita egon beharko da edukiontzia giltza sarrailatik atera ahal izateko.

Bestalde, Upaiz Zaharra kalean lurrazpiko 9 edukiontzi jartzeko lanek aurrera darraite. Gaineko uzoiak jartzea bakarrik falta da hiriko hondakin solidoak, ontziak, papera eta beira jasotzeko edukiontzi berriak zerbitzua ematen hasteko prest egoteko.

• Hondakin organikoen konpostatzea
Elgoibarko Udalak, honako eskabide hau egin dio Gipuzkoako Foru Aldundiari: azter ditzala, “udalerriko auzoren batean", etxebizitzetako hondakin organikoen konpostatzea bultzatzeko programa pilotua abian jartzeko dauden aukerak. Hondakin organikoak beste hondakin guztietatik banandu, eta ontzi txiki batean bildu beharko dira.

Gizartea Elgoibar