Zapatuan Plaza Handian grabatuko duten Superhuman saioko protagonistak,
Craig eta Paul Pumphrey anaia indartsuak Euskal Herrian daude
dagoeneko, atzo ailegatu ziren-eta Bilbora. Gaur atseden hartu eta
bihar hasiko dituzte entrenamenduak Ernesto Ezpeleta “Bihurri”ren
agindupean. Zapatuan (azaroak 15) beraien indartsu fama benetakoa ote
den erakutsi beharko dute Texasekoek; buruz buru aritu beharko dira-eta
gure herrialdeko herri kiroletako kirolari esanguratsuenekin. Bihurri
bera izango da horietako bat, esku bakarrarekin bi metro eta erdiko
enbor bat mozteko, edo Tienes Talento telebista saioan erakutsi zuen
moduan (bideoan) motozerrarekin aulkiak egiteko gai den aizkolaria, eta
artista. (Pumphrey anaien bideo gehiago dauzka)