Josu Arregik bigarren garaipena eta errekorra gertu Karakateko Igoeran

elgoibarren.net 2008ko aza. 15a, 16:01

Josu Arregik erraztasun osoz irabazi du inoizko Karakateko igoera jendetsuena. Azpeitiarrak 2004an ere irabazi zuen proba eta 2006an, Aritz Kortabarriak errekorra (29´00´´) ezarri zuen urtean bigarren izan zen 29´18´´ denborarekin. Hain zuzen, aurten behar izan duen denbora berdin-berdina. Gustura zegoen irabazlea, baina nabari zitzaion errekorraren bila ere etorri dela eta poztasuna ez zen erabatekoa bere berbetan eta aurpegian igar zitekeen moduan (aurki igoko dugu bere adierazpenekin osatutako bideoa). Gizonezkoetan errekorra hobetzeko asko falta izan ez bada, emakumezkotan bai, orain arteko marka guztiak ondu ditu Oihana Kortazar elgetarrak, 36´52´´ denbora bikaina egin du. (sailkapena eta bideoa dauzka)

52 lagunek parte hartu dute, sekula baino gehiagok.

2005ean igoera irabazi zuen Mikel Albeniz donostiarra sailkatu da bigarren postuan, irabazlearengandik minutu bat eta zazpi segundora. Hirugarren Joseba Plaza izan da eta laugarren errekorraren jabe izaten jarraitzen duen Aritz Kortaberria arrasatearra.
Lehen elgoibartarra bostgarren postuan iritsi da Karakateko gainera, Iñigo Lariz, iazko irabazlea, alegia. Eta Larizekin parez-pare borroka estuan Karakateko Igoera zazpi bider irabazi duen Jose Mari Fernandez “Suso” nekaezina.
Ibilbide lokaztua aurkitu duten arren, maila oso handiko igoera izan da aurtengoa, lehen seirak, esaterako, 32 minuturen azpitik sartu dira. Kalitateraz gainera, kantitatean ere sekula baino antxintxikari gehiagok egin du igoera aurten, 52 lagunek guztira; bi emakumezko tartean.

Parte hartzaile guztiek merezi dut aipamenen bat, baina are gehiago Joxe Mari Alberdik, 77 urteko azpeitiarrak. Bigarren urtez jarraian egin du karakateko Igoera Joxe Marik eta iazko denbora hobetu du aurten: 45´25´´. Marka ona eta ez da iristen azkena izan gainera.

Egin klik argazkiaren gainean: 2008ko parte hartzaile guztiak Karakateko tontorrean.

•BIDEOA: 2008ko Karakateko Igoera:

{vimeo}7572261{/vimeo}

KARAKATEKO IGOERA - 2008/11/15
Postua	IZENA	HERRIA	DENB.
1	Josu Arregi	Azpeitia	29:18	Irabazlea
2	Mikel Albeniz	Donostia	30:25
3	Joseba Plaza	Markina	30:42
4	Aritz Kortaberria	Arrasate	30:50
5	Iñigo Lariz	Elgoibar	31:45	Lehen elgoibartarra
6	Jose Mari Fdez. (Suso)	Elgoibar	31:52
7	Oscar Malvar	Elgoibar	32:26
8	Haritz Arrieta	Elgoibar	32:43
9	Julen Garitano	Antzuola	33:04
10	Iñigo Ortuoste	Elgoibar	33:08
11	Jokin Urresti	Markina	33:25
12	Igor Rey	Mendaro	33:31
13	Beñat Zafra	Mutriku	34:43
14	Iban Murua	Elgoibar	35:20
15	Adur Juaristi	Deba	35:37
16	Igor Agirregomezkorta	Elgoibar	35:39
17	Javier Garduno	Anoeta	35:48
18	Aitor Osoro	Elgoibar	35:52
19	Jose Antonio Ruiz	Elgoibar	36:12
20	Igor Urianabarrenetxea	Aulesti	36:15
21	Jon Larrañaga	Mendaro	36:19
22	Ibon Serrano	Elgoibar	36:21
23	Asier Irazabal	Bilbo	36:33
24	Oihana Kortazar	Elgeta	36:52	Lehen emakumea (errekorra)
25	Mitxel Zenarruzabeitia	Aulestia	36:53
26	Gotzon Zulaika	Mendaro	36:56
27	Ekaitz San Vicente	Arrasate	37:16
28	Sabin Zenarruzabeitia	Aulestia	37:26
29	Jesus Mari Agirretxe	Altzola	37:32
30	Garikoitz Uzkudun	Azpeitia	37:50
31	Eduardo Uriguen	Elgoibar	37:54
32	Imanol Larrañaga (Txino)	Elgoibar	38:16
33	Martin Dominguez	Elgoibar	38:49
34	Arkaitz Astiazaran	Lastur	39:03
35	Josu Orbea	Elgoibar	39:28
36	Jesus Beristain	Elgoibar	39:35
37	Jose Antonio Agote	Elgoibar	39:35
38	Jon Peli Uriguen	Elgoibar	40:35
39	David Martin	Arrasate	40:56
40	Imanol Cerdeira	Elgoibar	41:17
41	Javier Fernandez	Elgoibar	41:33
42	Pilar Arriola	Elgoibar	41:38	Lehen emakume elgoibartarra
43	Javier Oñederra	Elgoibar	41:49
44	Jose Mari Ansa	Lasarte	42:10
45	Ignacio Perez	Elgoibar	42:17
46	Roberto Garcia (Txeto)	Elgoibar	42:21
47	Gaizka Argarate	Elgoibar	43:02
48	Jose Mari Juaristi	Deba	44:07
49	Patxi Alberdi	Azpeitia	45:19
50	Jose Mari Alberdi (77 urte)	Azpeitia	45:25
51	Eneko Aduriz	Elgoibar	46:42
52	Luis Ariznabarreta	Elgoibar	48:09

Kirola Elgoibar