Aitor Gisasolaren aktore trebetasunak Eibarko Coliseo Antzokian

elgoibarren.net 2008ko aza. 18a, 14:18
Deskargatu Info Ahotsak :
Español English Français Català Galego

Plan Plin plana: Aitor Gisasolak aktore lanak egiten dituen “El Tiempo prestado” film laburra emango dute eguazten honetan (azaroak 19) Eibarko Coliseo Antzokian, 21:30etik aurrera. Aktore gazte honen lana gertutik jarraitzeko aukera polita, hortaz. David Gonzalez Rudiezek zuzendutako film laburrak, gainera, 2009. urteko laburmetrairik onenari ematen zaion saria eskuratu berri du Alcala de Henareseko Zinemaldian, Madrilen.


“El Tiempo prestado” laburmetrajeko proagonista.

Donostiako Nazioarteko Zinemaldian egin zuten filmaren aurre estreinaldia joan zen irailaren 20an, eta orduko hartan familia eta ingurukoek aktore lanak egin dituen filma ezin ikusi izanaren penatan geratu zen Gisasola. Oraingo honetan, ordea, “ez dago aitzakiarik filma ez ikustera joateko; sarrera doakoa da eta Eibar ez dago urrun” adierazi du guztiei ikustera joateko gonbitea luzatzearekin batera. Hamasei minutuko film laburrak Alcala de Henareseko Zinemaldian sari garrantzitsu bat irabazi berri du, lehen saria, hain zuzen ere.

IX. Eibarko Laburmetraia Jaialdiaren baitan botako dute “El Tiempo Prestado” film laburra. 173 lan aurkeztu dira jaialdira eta epaimahaiak egin du dagoeneko lehen aukeraketa. Emanaldiak azaroaren 17tik 20ra izango dira, 21:30etik 23:30era, Coliseo antzokian. Sari banaketa, berriz, Coliseoan bertan izango da azaroaren 22an, 20:00etan.
 
∞Lotura duten albisteak:
Kultura Elgoibar