Bi pankarta; helburu berbera

elgoibarren.net 2008ko aza. 26a, 12:12
Deskargatu Info Ahotsak :

Plaza Handia tratu txarrak gaitzesteko bilgune bilakatu zen atzo (azaroak 25), Emakumeenganako Indarkeriaren Aurkako Nazioarteko Egunean.
Bestalde, Jasone Osorok ere Tratu txarren gainean idatzi du Diario Vasco egunkarian, asteroko zutabean.
 
  • Ikus hemen: Tratu txarra (Jasone Osoro/Plaza de Gipuzkoa DV)


Indarkeria matxistaren aurka.

   Indarkeria matxistak eragindako gaitz sozialaren aurka Sareak (Udal sareen erakundea) egindako adierazpen instituzionala onartu ondoren, Plenotik atera ziren Udal ordezkariak, eta hainbat herritar, -ez larregi-, batu ziren udaletxe aurrean, bi pankartaren atzean. Jendarte patriarkalik ez! Benetako pausuak orain! zioen batak, eta Emakumeenganako Indarkeriarik ez! besteak. 
  Plaza Handiko ekitaldian, Emakunderen (Emakumearen Euskal Erakundea) Gizonduz egitasmoaren alde  “Euskal gizonen eskutitza” izeneko manifestua sinatzeko aukera izan da. Manifestu hau hainbat esparrutako gizonek bultzatu dute.

Udalak, emakumeenganako tratu txarren aurkako gaitzespen mozio bat onartu du, Udalbatzarra osatzen duten alderdi guztien aldeko botoekin.

“Euskal gizonen eskutitza” izeneko manifestua sinatzeko aukera izan da.

1706640692036 Bi pankarta; helburu berbera

1706640692080 Bi pankarta; helburu berbera

 Ekitaldi gehiago
 Hilaren 28an, berriz, Jokoaut antzezlana aurkeztuko du Pikor teatroak Herriko Antzokian. Bi saio izango dira, goizez ikastetxeentzat eta gauean herritar guztientzat. Bulling fenomenoa eta gizartean indarkeria nola ematen den azaltzen dira antzezlan horretan.
Azkenik, abenduaren 15an, astelehenean “Gizonezkook berdintasunaren aurrean, zer?” mahaingurua izango da Kultur Etxean (19:30), Luis Cerron irakasle eta psikopedagogo elgoibartarrarekin eta Xabier Odriozola antropoloagoarekin.
 
∞Lotura duten albisteak:
 
 
 
Gizartea Elgoibar