Zeintzuren bilgune izan nahi luke ordea? Euskaltzaleena? Zehaztu beharko dugu hitza bera, formulazioaren arabera 100, 2000 edo 10000 izan baikaitezke “euskaltzaleak” Elgoibarren. Zehaztu baita ere elkartearen zeregina zein den, sozioak zertarako behar dituen, gero eta gehiago ONG azpikontratatuaren itxura hartzen ari denean.
Nire iritzia eskatu zidatenean, sozio berriak lortzeko kanpaina bukatu berri zela jakinarazi zidaten. Saiatu naiz kanpaina horretan zer esaten zen bilatzen, arrazoiren bat ahazten ote zitzaidan beldurrez. Honakoa jartzen zuen topatu dudan afixak:
“Jarri nahi al duzu zure erretratua? Elkartea sortu eta bi urtera 1400 bazkide bildu ziren. Elgoibartarron euskaldun izateko nahiak eragindako erantzun kolektiboa izan zen. 60.hamarkadan egin zuten moduan, bazkide izateko gonbitea luzatu nahi dizuegu”.
Ez da arrazoi bat bera ere ematen, salbu eta nostalgia moduko bat.
Elgoibarko Izarrak historia luzea eta bizia du, baina gaur egun inoren bilgune izatekotan, sos batzuen truke agenda eta kontzientzia garbi nahi dutenen sozioena litzateke, Udala duelarik sozio eta bezero nagusi.
Izarren Hautsan argitaratua
- Ikus Hemen: Asier Etxanizen testu guztiak